أبدت الفنانة روجينا، تقديرها لزوجها الدكتور أشرف زكي نقيب المهن التمثيلية، مستشهدة بعلاقتهما في بداية الزواج، موضحة: «كانت كل مشكلنا أول الجواز إنه بيفضّل النقابة عليا»، حسب تعبيرها.
ونشرت روجينا صورة تجمعها بأشرف زكي، عبر حسابها الرسمي على موقع «انستجرام»، معلقة: «كنت صغيرة، ومش فاهمة، وبحبه، وأنانية، وعايزاه جنبي باستمرار، وكانت كل مشكلنا أول الجواز أنت بتفضل النقابة عليا؛ يعني ممكن يلغي معاد مهم ليا، عشان رايح مستشفى أو بيحل مشكلة في تصوير، أو فية واجب عزا»، حسبما قالت.
وأشارت إلى واقعة تسببت في تغيير موقفها، متابعة: «ربنا حب يعلمنى أو يأدبني، فيحصلي حادثة موت، وأقعد في المستشفى 40 يوم، ماهونش عليا غير أهلي والناس وزميلي ووقفهم جنبي، مكنش فية حاجة اسمها وقت زيارة؛ الناس على طول موجودة، والله على جبر الخاطر، والناس بتطبط عليك وأنت في أشد الاحتياج».
واعتبرت أن علاقات زوجها الناجحة كانت السبب وراء التواجد معها في أزمتها، مختتمة: «من ساعة الدرس ده اتعلمت إن فيه حد فى الدنيا يبقى هو الأمان والسند، هو ده اللي هكلمه أول ما يحصلى حاجة، ده نقيبي أشرف زكي، واتعلمت كمان إن اللي بيعملوا هيترد ليا أنا وبناته.. هيبقى في ميزان حسناتك وهعيش أنا وبناتك فخورين، ربنا يحفظك لنا، ويديك الصحة وطولة العمر».
يذكر أن أشرف زكي عاد ليشغل منصب نقيب المهن التمثيلية، بعد أن فاز بانتخابات النقابة في 2015، وذلك بعدما استقال منه في 2011، إلى جانب عمله بالتدريس في المعهد العالي للفنون المسرحية، ومشاركته بالعديد من الأعمال التلفزيونية والسينمائية.