قال رجل الأعمال نجيب ساويرس، إنه لم يظهر على شاشة التليفزيون منذ نحو 6 سنوات، معقبًا: "مبظهرش بقالي 6 سنين، لأن القنوات كلها بقت شبه بعض ودمها تقل".
وأضاف خلال لقائه مع برنامج "القاهرة الآن"، المذاع عبر فضائية "العربية الحدث"، مساء اليوم الاثنين، أن الوجوه الإعلامية التي تظهر حاليًا لم يعد لديها القبول لدى المشاهدين، عبر قوله: "والشخصيات اللي بقت تطلع برضة الناس مبقتش حاباها خلاص".
وعقب أن هدفه الآن يتمثل في الاستمتاع بالحياة، وإسعاد من حوله، مستطردًا :"وأنا في مرحلة إني مش عايز أي حاجة في حياتي دلوقتي غير إني أنبسط وأستمتع بالحياة وأسعد اللي حواليا".
وأردف: "وعايز أعمل عمل خير بس يكون ضخم ومؤثر، بحيث إن الناس تفتكرني بيه بعد كده، لأن الفلوس محدش هيفكرني بيها، لكن حاليًا معنديش أي رغبة إني أعمل فلوس تاني أو أدور على فلوس".