قال الشيخ خالد الجندي، عضو المجلس الأعلى للشؤون الإسلامية، إن البشر قد يختارون سبلًا متنوعة للوصول إلى الله، معقبًا: «سبيل الله يعني دين الله وشرعه، وكل واحد له سبيل، فيه مسيحي وفيه يهودي وفيه مسلم».
وأضاف خلال مداخلة هاتفية لبرنامج «لعلهم يفقهون»، المذاع عبر فضائية «دي إم سي»، مساء اليوم الخميس: «ربنا بيقولك أنا برشح لك الطريق ده، لكن غيرك اختار الطريق التاني هو حر، فيه سبيل لله، وفيه سبل تانية مبتوصلش لله، ولكن إذا كل واحد ارتأى إن ده السبيل بتاع ربنا، إحنا بنرحب بيه ومعندناش مشاكل، هو حر».
وأكد أن الجهاد في سبيل الله لا يعني إرغام الناس على دين معين، مشيرًا إلى قول القرآن «ولولا دفع الله الناس بعضهم ببعض لهدمت صوامع وبيع وصلوات ومساجد يذكر فيها اسم الله كثيرًا».
وعقب: «يذكر فيها اسم الله بقى بطريقة كل واحد مش شغلك أنت، ومش طريقتك أنت، ومتحشرش مناخيرك أنت، سيبك بطريقتهم وملكش دعوة أنت، بعض الناس بيغلس ليه على غيره؟»، مؤكدًا أن مات مدافعًا عن كنيسة أو دير أو معبد يهودي، فهو شهيد.