قال الدكتور محمد المهدي أستاذ الطب النفسي بجامعة الأزهر، إنه يجب الإجابة على أسئلة الأطفال الوجودية بصدق وبشكل مبسط، مؤكدًا ضرورة احترام السؤال والإجابة عنه.
وأجاب في لقائه ببرنامج «الحكاية»، المذاع عبر فضائية «إم بي سي مصر»، مع الإعلامي عمرو أديب أمس السبت، على العديد من الأسئلة المعتاد عليها من الأطفال ومنها «ربنا فين»، معقبًا: «ممكن نقول ربنا في السماء ولكن قدرته وكرمه ورحمته تحيط بنا في كل مكان ووقت».
وعن تساؤل لماذا لا أرى الله؟، أو لماذا يوجد خير وشر تابع: «ما ينفعش نشوف ربنا، لأنه حاجة عظيمة ولكن الناس اللي بتعمل خير هتشوفه يوم القيامة، وفي خير وشر عشان ربنا يكافئ الناس اللي بيعملوا خير ويعاقب الناس اللي عملوا شر في حياتهم».
وأكد أهمية الإجابة بطريقة صحيحة ودون تكلف على الأطفال، لأنها تكون مفاهيم ثابتة في هذا السن الحرج الذي يكتسب فيه الطفل الكثير من المعلومات والصفات، مضيفًا: «يعني لما يقولي ليه ربنا مش بيكلمني، ردي عليه ربنا هيكلمنا يوم القيامة، هيسأل إيه هو يوم القيامة هقوله وقت الحساب».
وتساءل الإعلامي عمرو أديب عن كيفية الإجابة على تساؤل الأطفال بشأن ماذا يوجد في الجنة، ليجيب أستاذ الطب النفسي: «لما بنعمل حاجات خير هندخل الجنة وبيكون فيها كل حاجة حلوة، وكافة سائل النعيم».
وعقبت الدكتورة نهى النحاس، أخصائية نفسية ومدرس على النفس بالجامعة الأمريكية، على تساؤل الطفل هو بشأن ما يوجد في الجنة بقولها: « هقوله لو هو 3 سنين مثلًا الجنة فيها لعب، وفيها كل حاجات حلوة بتحبها»، موضحة أن الإجابة على هذه التساؤلات ترجع لكل مرحلة عمرية فالإجابة على طفل يبلغ من العمر 3 سنوات تختلف عن طفل 10 سنوات.
وبشأن السؤال التاريخي والكلاسيكي كما وصفه «أديب»، أنا جيت منين؟ علقت «النحاس»: «هقوله أنت جيت عن طريق الحب، أولًا لازم أفهمه أنه جه نتيجة لعلاقة بين رجل وسيدة متزوجين وبينهم علاقة حب، وبعد الزواج قرروا يجبوك للدنيا، عشان لما يكبر شوية هيتطلب تفاصيل هبدأ أقول تفصيله زيادة، مثلًا زي باباك بيديني بذرة بتكبر جوايا وبتتكون أنت، لأنه لما يكبر هيفهم، وفي نفس الوقت يعرف أنه جيه عن طريق الحب وده بيخليه يحب نفسه».