«وحياة قلبى اللى عمرى ما حلفت لحد بيه، انا عندى النظرة منك بالعالم واللى فيه محتاجلك صدقينى، وبحبك صدقينى، وبتبقى لسه جنبى يا حبيبتى وتوحشينى».
كلمات اغنية محتاجلك صدقينى للمطرب خالد سليم اهداء من مواطن إلى وزارة الكهرباء والطاقة على الصفحة الرسمية للوزارة على موقع فيس بوك، بعد تكرار انقطاع التيار الكهربائى فى معظم مدن الجمهورية وعلى فترات متباعدة اثارت غضب المواطنين.
وتنوعت التعليقات على قطع النور المتكرر مؤخرا حيث قال بوست لعمر مارو: «للراغبين فى النور وإعادة الكهرباء ارسل كلمة «حلم» أو «dream» فى رسالة لوزارة الكهرباء»، وكتب حسام ربيعى: وزارة الكهرباء والطاقة جمهورية مصر العربية على فكرة النور موجود عندنا والله، عيب كده ما يصحش، بصراحة انا خايف اخد ع الدلع ده».
اطرف التعليقات على صفحات التواصل الاجتماعى صورة على باب احدى الشقق فى رسالة الى المحصل «دكر حط ايديك على الجرس أو خبط علينا.. انتهى».
سارة الرحيمى كتبت دعاء يقول: «يارب يا وزير الكهرباء ولادك أو احفادك يسقطوا فى الامتحانات عشان القرف اللى احنا فيه ده فى وقت الامتحانات والولاد مش عارفة تذاكر، الكهرباء تقطع 4 مرات فى اليوم كل مرة ساعة ونص».
وفى صورة على صفحة الوزارة على لسان الفنان احمد مكى «لما الكهربا تقطع وانت بتذاكر السنة اللى هيشيلها فى رقبتك انت يا حكومة.. ماشى».