أيّد الإعلامي عمرو أديب، المزدادات التي تُجرى على أرقام لوحات المرور المميزة، والتي تُباع بمبالغ ضخمة، لكنه أبدى رفضا لفكرة شرائه - شخصيا - رقما مميزا.
وقال خلال برنامجه "الحكاية" عبر شاشة "mbc مصر"، مساء الأحد: "الناس قالبة الدنيا على اللي بيدفعوا فلوس في مزادات لوحات معدنية في المرور علشان ياخد أرقام مميزة.. أنا مع الموضوع ده جدا.. خلوا الناس اللي عاوزة تشتري أرقام مميزة تدفع".
وأضاف: "إيه الضرر اللي واقع عليك لما واحد يشتري رقم بـ500 ألف جنيه.. الرقم ده لا أنت هتاخده ولا أنت اللي هتدفع.. اللي معاه فلوس بتحيره يجيب أرقام مرور مميزة ويطيرها".
وتابع: "هو ربنا مديله.. وماله.. يجيب الرقم اللي هو عاوزه.. خلوهم يدفعوا الأرقام دي وإحنا بالفلوس نحسن الخدمات.. دعه يدفع ده يكع.. أنا معنديش أرقام مميزة وحتى لو ببلاش عمري ما شوفت لها أي قيمة.. أنا مش عاوز نمرة مميزة أنا عاوز أمشي من غير نمر أصلا ومدفعش فيها 10 قروش".
وأشار إلى أن هذه الفكرة موجودة في أغلب دول العالم، متابعا: "فلوسه هو تعبان بيها وعاوز يتفشخر بيها.. إحنا لا نقوله حرام ولا بلاش ولاحاجة.. دي بتحقق لهم سعادة".
ولفت إلى أن البعض يخاطب هؤلاء بأن عليهم التبرع للفقراء بهذه الأموال، قائلا: "الفلوس دي راحت للفقراء خلاص.. الفلوس بتروح للمؤسسات وبالتالي بتتصرف على الخدمات وتروح للفقراء".