شارك المطرب محمود العسيلي جمهوره المتابع لحسابه الرسمي على إنستجرام، قصته مع الفنان تامر حسني الذي يقدم معه دويتو غنائي جديد، باسم "اختراع"، حيث فاجأ الجميع بأن علاقته بتامر تمتد منذ أن كان الاثنين زملاء في مدرسة ابتدائية واحدة.
وقال العسيلي "هكي قصة محدش يعرفها خالص، حتى تامر حسني مكانش مجمع إن الشخص دا أنا لحد ما فكرته".
وأضاف "كنا في مدرسة واحدة أنا وتامر، وأنا كنت في سنة خامسة ابتدائي، وتامر كان التلميذ اللي مسؤل عن عروض حفلات التخرج و كان هيغني ويعمل عرض استعراضي كبير".
وتابع "جابوله في المدرسة ٤ أصوات عشان يختار منهم حد يغني معاه، بس كنا بنغني إنجليزي واخترني أنا عشان أشارك في العرض وكنت فرحان اوي".
وأكمل "الفكرة من الموقف إن تامر نفس الشخص ونفس القلب اللي قابلته من أيام المدرسة لحد دلوقتي، وعايز أقوله إني أنا برضه فرحان نفس الفرحة، ومتشرف باختيارك ليا لمشاركتك الأغنية العسل دي واحنا كبار، ومحققين أحلامنا، بالمناسبة أنت بجد مخرج جامد يا تيمو".