استعادت الفنانة ليلى علوي، ذكرياتها مع الفنان الراحل فريد شوقي، صاحب لقبي "وحش الشاشة" و"ملك الترسو"، وذلك من خلال نشرها صورة تجمعها به عبر حسابها الرسمي على إنستجرام.
وعلقت ليلى، على الصورة، قائلةً "كان لي الشرف إني وقفت أمام عملاق من عمالقة الفن والإنسانية فريد شوقي في عدة أعمال".
وأضافت "كانت أول بطولة تكون قدام ملك الترسو شخصيًا، لما بافتكر دلوقتي كواليس ترشيحي ومشاركتي في بطولة فيلم "البؤساء" مع العملاقين يوسف وهبي وفريد شوقي باحمد ربنا إني كنت إلى حد كبير محظوظة إني أقف قدام مدرستين زي دول في أول مشواري".
وتابعت "في حضرة فريد شوقي اتعلمت يعني إيه نجم وإزاي النجم لازم يبقى إنسان أولا، فريد شوقي كان ملك في حضوره وأخلاقه واهتمامه بشغله وموهبته وحبه للي حواليه وللفن اللي إداله حياته كلها، وإحنا بنحتفل بمئوية الملك عايزة أدعيله بالرحمة والمغفرة وأقول إنه الفنان الحقيقي مابيموتش.. ومابيتنسيش".