ابدي الفنان إسلام إبراهيم غضبه الشديد بعد تعرضه لحملة تنمر كبيرة علي مواقع التواصل الإجتماعي بسبب البدلة التي ارتداها مساء اليوم الأربعاء في حفل افتتاح الدورة ال42لمهرجان القاهرة السينمائي الدولي، وكتب منشورا طويلا عبر حسابه الرسمي علي فيسبوك:
مالها البدلة يا جماعة مش فاهم
ولا عشان انا اللي لابسها فمن حقك تشتم وتجرح حتي لو انا ما اساءتلكش في حاجة او غلطت فيك اللبس ده حرية شخصية، البدلة كحلي في ابيض عادية جدا، انا شايفها حلوة، ومازلت شايفها حلوة.
وتابع:
بجد مهنة التمثيل بقت قاسية جدا ومش اي حد يتحملها والتنمر اللي بيتعرضولوا الفنانين بقي لا يحتمل, ومحدش يقولي متردش انت شخصية عامة انا في الاول والاخر بني ادم وبردوا مش هتقدروا تهزوا ثقتي في نفسي او في ربنا.
واستطرد: اكيد مش كل الناس مقصودة بالبوست بتاعي بفضل ربنا في ناس كتير بتحبني وبتحكم عليا من خلال فني اللي بقدمه وبس ربنا يخليكوا ليا ويكتر من امثالكم.
يذكر ان اسلام ابراهيم تعرض لحملات تنمر من قبل بسبب البدل التي ارتداها في مهرجان الجونة السينمائي والتي تميزت بخروجها عن المألوف.