«احنا رايحين مصر الجديدة» .. تلك الكلمات التي رددها مرتضى منصور رئيس مجلس ادارة نادي الزمالك في المؤتمر الذي عقده اليوم السبت للإعلان عن موقفه النهائي من الترشح لرئاسة الجمهورية.
وقال «منصور»، « صليت صلاة إستخارة..وحلمت أني بـ«أتوبيس» وبجانبي ضباط جيش قالوا لي «إحنا رايحين مصر الجديدة» وبناءا عليه لن أتقدم بأوراق ترشحي وبقناعة مني أؤيد المشير عبد الفتاح السيسي لتولي رئاسة الجمهورية ، لأن اللى إحنا فيه مش وقت هزار».
وأضاف «منصور»، إن قراره بالانسحاب جاء بعدما رأى في المنام بعد صلاته الفجر رؤية: «بقالي كتير ما اتشعبتش في أتوبيسات كنت أطلع أبونيه المترو، كل ده شوفته وجربته، عشان كده طالع من الشعب.. حلمت إني راكب أتوبيس وداني لمنطقة فم الخليج، وفجأة لاقيت اثنين جيش جنبي واحد عميد والتاني عقيد، قالوا لي إحنا رايحين مصر القديمة مش مصر الجديدة.. حسيت إن الاثنين بيمثلوا المشير السيسي».
وأوضح المستشار مرتضى منصور،: قائلًا: «أقول للمشير السيسي أنا أؤيدك كمرتضى، لكن البعض في حملتك ليس على المستوى المطلوب، البعض في حملتك النفاق ظاهر فيهم، مفيش حاجة اسمها السيسي هنرشحه غصب عنه، السيسي بشر يصيب ويخطئ».
وتابع: «مش هدي صوتي لبني آدم بيقول أنا مرشح الثورة وجاي أقضى على فلول الحزب الوطني، وخد 4 مليون جنيه من رجل أعمال من الحزب الوطني، أنت مرشح الثورة ولا من الباطن حزب وطني، حضرتك بتقبض من ناس في الحزب الوطني».
وقال «منصور» موجهًا حديثه إلى المرشح الرئاسي المحتمل حمدين صباحي: «لقاؤك مع اللواء مدحت عبدالحميد في مقر أمن الدولة لما استدعاك بخصوص المسدس الدهب الخالص اللي أخدته من صدام حسين ثم انقلبت عليه.. رحت لمعمر القذافي، قول للشعب خدت إيه من معمر القذافي، وقفت مع بشار الأسد طلعته السماء ثم انقلبت عليه، في إقرار الذمة قولت عندك 7 آلاف جنيه، اللي ولدوا عربية مرسيدس، دول منين»، وتابع «أيها المناضل حضرتك لما اتحبست اتحبست ليه، وأنا اللي طلعتك وقتها».