قضت محكمة جنايات الجيزة اليوم الثلاثاء، على المتهم "ف.إ" بالسجن المشدد 15 عاما، لاتهامه بهتك عرض طفلة فى الحادية عشر من عمرها داخل إحدى مدارس الوراق.

وكانت نيابة شمال الجيزة الكلية قررت إحالة المتهم البالغ من العمر 33 عاما، مقيم بمنطقة الوراق إلى محكمة الجنايات لاتهامه بهتك عرض الطفلة، مستغلاً حداثة سنها وتواجدها بمحل الدراسة واصطحبها عنوة إلى مكان خالى من المارة وتحسس مناطق عفتها ثم حسر عن نفسه ملابسه وطلب منها ملامسته، وحين حاولت الإفلات منه باغتها بأن كال لها ضربات عدة.

- أقوال الطفلة المجنى عليها

وقالت الطفلة المجنى عليها فى التحقيقات: "أنا رحت المدرسة عشان أوصل أختى الصغيرة وفعلا وصلتها عند الفصل بتاعها فى الدور الأول، وأنا نازلة على السلم الراجل وقفنى وقالى بنفع تجيبى كيس شيبسى لبنتى وإدانى خمسة جنيه، وفعلا نزلت جرى اشتريت كيس الشيبسى لبنته، ولما طلعت قالى روحى أدى الكيس الشيبسى لبنتى فى نفس الفصل اللى فيه أختى".

وأضافت: "بعد ما إديت كيس الشبسي لبنته، وأنا نازلة لقيته وقفنى بالعافية ومسكنى من جسمى وحط إيده على بوقى وجرنى لغاية الدور الأخير بالعافية".

وتابعت: "كنت خايفة منه أوى لأن أول مرة يحصل معايا كده، ولما طلعنا الدور الأخير طلع فاضى خالص مفيهوش حد".

وتضمنت شهادة الطفلة أن المتهم تحسس بيديه الاثنتين مناطق عفتها في منطقة الصدر، ثم حسر عن نفسه ملابسه وطلب منها تحسس عضوه الذكرى.

وتابعت: "لما حصل كده طلعت أجرى لقيته مسكنى وخبطنى فى الحيطة بس الحمد لله قدرت أجرى على تحت ولقيته بيجرى ورايا وقولت للمدرسين اللى فى المدرسة على اللى حصل وهما كلموا ماما فى التليفون حكوا لها على اللى حصل".

وذكرت الطفلة أنها لبت طلب الرجل بشراء كيس الشبسي لابنته بحسن نيتها واعتقادها بأنه رجل كبير فى سن والدها.

- المتهم ينفي

في المقابل نفى المتهم في تحقيقات النيابة قيامه بما أدلت به المجنى عليها ووالدتها، قائلاً : "أنا كنت بوصل بنتى الصغيرة للمدرسة، وبعد ما دخلت بنتى الفصل فى الدور الأول كان فيه بنت طالعة قدامى على السلم وبقولها وسعي عشان أعدي ردت عليا وقالتلى ما تطلع المكان واسع".

وأضاف: "قولتلها اتكلمى بأسلوب كويس ورحت ذغدتها فى كتفها وسبتها وطلعت الدور الأخير علشان أنشط رجلى عشان أنا بلعب رياضة، ولما طلعت لقيت البت طلعت ورايا وبصت عليا ونزلت تجرى بعد ما قلتلها ليه طالعة ورايا".

وتابع: أنا نزلت بعدها ولما روحت لقيت ثلاثة أمناء شرطة جم البيت وقالولى عاوزينك فى القسم وروحت على القسم لقيتهم عملولى محضر وجابونى على هنا النهارده".

وعند سؤال المتهم عن تعاطيه أي من أنوع المخدرات، أجاب أنه يتعاطى الحشيش منذ زمن، مضيفا أنه تعاطى قبل يومين من تحقيقات النيابة العامة.