وجه أيمن عبدالعزيز، المدرب السابق للزمالك، انتقادات لاذعة للمدير الفني البلجيكي يانيك فيريرا، عقب خسارة الفريق أمام الأهلي بنتيجة 2-1، ضمن منافسات الجولة التاسعة من الدوري المصري الممتاز.
وفي تصريحات تلفزيونية: "في كثير من الأحيان، الحالة الذهنية للمدرب بتكون سبب رئيسي في شكل الفريق داخل المباراة. من بعد الدقيقة 12 تقريبًا، فيريرا كان بيتفرج على اللقاء زينا، الزمالك لعب 80 دقيقة بدون مدرب، مفيش أي تدخل لتعديل الأداء أو تصحيح الأخطاء."
وأضاف: "في الشوط الثاني، الفرقة انهارت تمامًا، والمدرب ما عملش أي حاجة. لما تشوف الوضع ده ومفيش تدخلات، يبقى ماينفعش تكون مدرب لنادي بحجم الزمالك."
وواصل عبدالعزيز انتقاده: "أول ما جه فيريرا، كان بيتحرك وبيتكلم طول الوقت على الخط، لكن بعد فوزه في ماتشين تلاتة، بدأ يحط إيده في جيبه، وبقى عنده نوع من التكبر والعجرفة."
واستغرب من بعض قرارات المدرب في اللقاء، قائلًا: "إزاي يدفع بناصر منسي اللي غايب بقاله 4 مباريات، بدل من الدباغ؟ في حين إن عمرو ناصر هو اللي كان بيشارك. وكأن فيريرا صدق كلام إن منسي بيأدي كويس قدام الأهلي، فقرر يشركه بناءً على كلام الجماهير مش رؤية فنية."