«الشروق» ترصد تواصل طلاب الثانوية العامة مع صفحات الغش الإلكترونى: كلها منافع
رغم تأكيدات وزير التربية والتعليم، الدكتور محب الرافعى، أكثر من مرة على القبض على مؤسسى صفحات الغش الإلكترونى على موقع التواصل الاجتماعى «فيس بوك»، وأن تسريب الامتحانات عبر هذه الصفحات لا يستفيد منه الطالب داخل اللجنة، رصدت «الشروق» تعليق عدد من الطلاب من داخل اللجان ومن خارجها، على صفحات الغش الإلكترونى، والتى تؤكد استفادتهم من الإجابات التى تتداولها هذه الصفحات عقب دقائق من بدء اللجان.
وشملت الصفحات التى رصدت «الشروق» تعليقات متابعيها، «شاومينج بيغشش ثانوية عامة، وتسريبات امتحانات الثانوية العامة، وغشاشون فدائيون» وطالب المتابعون لتلك الصفحات عدة طلبات من المؤسسين تثبت عدم صحة كلام الوزير، كان من بينها تعليق إحدى الطالبات من داخل اللجنة تقول: «أنا عايزه إجابة السؤال الأول أكمل بس يكون صح»، وأخرى تقول: «ياعم نزل الإجابات بقا حرام عليك أنا قاعدة ضايعة فى اللجنة».
وقال أحد المتابعين: «ياريت ياجماعة ترفعوا الإجابة بدرى عن كده لأن الوقت ده صعب نغش فيه بيبقى متوتر جدا»، وكتب آخر: «يا جماعة عايزين بكره تنزل الإجابات بدرى لاننا بننزل على نص الوقت يعنى على الساعه 9.55 تكون الإجابات كلها نازلة».
وكان هناك بعض الطلبة تتأكد من نزول المواد المتبقية حيث قالت إحدى المتابعات للصفة «الجولوجيا ياشاومينج إحنا هنحفظ الرسومات ومذاكرين بس محتاجين مساعدتك عشان نلاقى مجموع يدخلنا كلية حلوة»، وكانت الصفحات فى مواد علمى رياضة تنشر الإجابات على أوراق مصورة وكانت غير واضحة للبعض داخل اللجنة، حيث قال أحد المتابعين «جيولوجيا كتابة يا شاومينج، وبعدها كيمياء كتابة برضو كتابة مش صور»، وأخرى تقول «متنسناش فى علم النفس بقى وتبقى بنفس السرعة دى اشمعنا احنا»، وعلق آخر «الأحياء كتابة بلاش صور عشان بتبقى مش واضحة».
وعلى صعيد آخر هاجم عدد من متابعى الصفحات مؤسسيها مطالبينهم بوقف الغش قائلين «بص ياريت كفاية غش وسيب المواد اللى جاية للناس اللى تعبت وذاكرت من أول السنة حرام الطلبة اللى طول السنة تعبانة وأهلها تعبانين معاها تساويهم بشوية عيال كل اللى يعرفوا يعملوه فى حياتهم إنهم يغشوا سيب الباقى للى يستاهل كفاية حرام عليك».
وجاء تعليق أحد الطلاب صادما ونافيا لكلام الوزير، ليقول الطالب «أنا من الصعيد فى مكان محدوف والغش عندنا بيبقى مدرسين بيحلوا الامتحان والطلبة بتتملى الامتحان بالسماعة واللجنة بتبقى سلطة وفى كل محافظة بتبقى ٦ مدارس على الأقل بيغشوا »، وهذا ما أكدته طالبة أخرى لتقول «أنا من الأقصر وفى ناس بتدخل بالموبايل ومن خلال النت بتغش كل حاجة والملاحظين أصلا تحس أنهم مش هنا ».