الثلاثاء 26 سبتمبر 2017 9:17 ص القاهرة القاهرة 23°

الأكثر قراءة

شارك برأيك

ما رأيك في مقترح تعديل الدستور لزيادة الفترة الرئاسية إلى 6 سنوات؟

فيديو.. عمرو أديب: الفساد في مصر «بجح» ولا يخشى الدولة

الإعلامي عمرو أديب
الإعلامي عمرو أديب
أحمد العيسوي
نشر فى : الأربعاء 13 سبتمبر 2017 - 1:04 ص | آخر تحديث : الأربعاء 13 سبتمبر 2017 - 1:05 ص
أبدى الإعلامي عمرو أديب، تعجبه من زيادة الفساد في مصر رغم زيادة مكافحته من قبل أجهزة الدولة، قائلًا: «الفساد في مصر بجح، وعيني عينك وبتحدي، والناس عايزة إيه تاني يحصل علشان يصدقوا إن فيه حرب ضد الفساد بعد القبض على وزير في الشارع».

وأضاف «أديب»، خلال تقديمه برنامج «كل يوم»، المذاع عبر فضائية «ON E»، مساء الثلاثاء، أن الفساد موجود في جميع الهيات العامة المصرية، مضيفًا: «هيئة الرقابة الإدارية مش ملاحقة، وهم لا يعلنوا عن كل القضايا، لأنهم لو أعلنوا البلد هيبقى شكلها غريب».

وأوضح أنه لا توجد هيئة في مصر لم يتم إلقاء القبض على أحد من مسؤوليها، ومن بينهم قيادات، متسائلًا: «إيه الميزة اللي عند المصريين مخلياهم مقبلين أوي على الفساد بقوة كده، كلنا شاركنا في الفساد علشان تمشي مصالحنا».

وتسائل: «هل فيه دولة في العالم فيها مستوى فساد كده، الأهم من وجود الفساد، إن المواطن أصبح لا يخشى العقوبة وأصبح مواطن انتحاري، الفساد أصبح مهنة في مصر»، مؤكدا أن «المحتاج» في مصر لا يسرق ولا يفسد، ولكن يفعل ذلك «المرتاح» الذي يحظى بدخل جيد، مشيرًا إلى تعدد حالات السرقة للشخص الواحد.

وقال أديب، إن الفساد مستشر في مصر بصورة لا تحدث في أي دولة في العالم، متابعًا: «أنت لو سألت أي حد حواليك شاف كام حادثة فساد، هيحكيلك عن اللي بيشوفه في المصالح الحكومية من الأستاذ محمد ومدام سميحة»، مضيفا: «مدام سميحة هي التي تحكم مصر بقوة، وهي المكلة المتوجة وعندما تقرر إن حاجة تمشي تمشي، ومقال على ذلك الصيغة التنفيذية لقانون الاستثمار، أين هي الآن؟ كانوا يقولون أنها ستخرج على العيد الصغير والآن العيد الكبير عدى».

وتابع: «مقولة إن إحنا أغنى بلد في العالم وبقالنا 7 آلاف سنة بنتسرق دي حقيقية، وأكيد اللي بنوا الهرم سرقوا فيه جامد يعني، والمهندس اللي كان موجود وضب شوية حاجات والهرم كان ممكن يكون أكبر من كده».

كما تسائل: «فين الشعب المتدين بطبعه؟ وفين الأخلاق والتربية والتعليم؟، إحنا مش شخصيات ملايكة ولكن كلنا فينا بلاوي زرقة، وكلنا بنفسد لأن المجتمع كله فاسد».






شارك بتعليقك