أعلن المنتج هشام سليمان عن اختيار فيلمه الوثائقي " رحمة" للعرض بمهرجان قازان في روسيا، هذا الفيلم الذي يتناول قصة حياة رحمة خالد، أول مذيعة مصابة بمتلازمة داون.
وكتب هشام عبر حسابه بموقع فيسبوك: الحمدلله الحمدلله الحمدلله، رحمة، فيلم من إخراج محمد الأسواني، وإنتاجي، تم اختياره لمهرجان قازان في روسيا.
وتابع:اختيار الفيلم في مهرجان ده كرم من ربنا مش علشان المهرجان، لكن علشان ابني و صديقي العزيز محمد الاسواني، عرض عليا إني أنتج فيلم (رحمة) ويحكي فيه بطريقه زكيه قصة رحمة خالد، وأنا وفقت لأن رحمة بنتي اللي مخلفتهاش، ورحمة كانت سبب في تغيير مفاهيم كتير مش في مصر بس لكن في العالم كله، و ده كان هدفي من إنتاج الفيلم، وغير كل ده، ان قصة رحمة قصه ملهمة.
وأضاف: شكرا محمد الأسواني على إصرارك إنك تعمل الفيلم ده، والقصة الملهمة دي، فيلم رحمة هيعطي أمل لكل أب وأم عندهم طفل أو طفلة عندها متلازمة داون، شكرا رحمة خالد، وشكرا أمل وخالد بابا رحمة ومامتها على الكلام اللي قولتوه عليا في الفيلم.. الحمدلله، يا رب اجعلني سبب إني أسعد الناس واتسعد بيهم.