أحمد موسى: عندنا محطات مترو بنظافة ألمانيا.. والبلد كانت خرابة من 2011 لـ2013 (فيديو) - بوابة الشروق
الجمعة 21 يونيو 2024 11:17 ص القاهرة القاهرة 24°

الأكثر قراءة

قد يعجبك أيضا

شارك برأيك

هل تؤيد دعوات مقاطعة بعض المطاعم التي ثبت دعمها لجنود الاحتلال؟

أحمد موسى: عندنا محطات مترو بنظافة ألمانيا.. والبلد كانت خرابة من 2011 لـ2013 (فيديو)

أحمد موسى
أحمد موسى

نشر في: الإثنين 27 مايو 2024 - 11:25 م | آخر تحديث: الإثنين 27 مايو 2024 - 11:27 م

أحمد موسى: الرئيس السيسي لا يحتاج لمن يدافع عنه ويكفيه قرار يونيو 2013

أشاد الإعلامي أحمد موسى، بتصريحات الدكتور مصطفى مدبولي رئيس مجلس الوزراء، اليوم الإثنين، حول موعد انتهاء تخفيف أحمال الكهرباء وملفات الغاز الطبيعي والطاقة المتجددة وأيضًا مشروعات الزراعة، قائلاً: «منهجي دائما هو الدفاع عن الوطن، وبقول لأي حد لو أنت مش قد الكلام متتكلمش، ويجب الدفاع عن البلد بكل قوة».

وأضاف الإعلامي أحمد موسى، خلال تقديم برنامج «على مسئوليتي»، عبر قناة «صدي البلد»، مساء الاثنين: «إحنا دولة مش ثابتة فعلا زي ما رئيس الوزراء قال، وعدد سكان مصر هيوصل لـ120 مليون نسمة بحلول 2030، لو فضلنا بنفس المعدلات اللي ماشيين بيها».

وتابع: «إحنا بنستلف عشان نوفر احتياجاتنا، ونغطي تكاليفنا، ومن المشروعات الكبيرة اللي مصر نفذتها خلال الفترة الأخيرة وكانت مفيدة بدرجة كبيرة؛ مشروع افتتاح 5 محطات مترو أنفاق جديدة في الخط الثالث، واللي بينقل في اليوم الواحد بس 50 ألف مواطن، ومن المقرر زيادة المعدل ووصوله إلى 300 ألف مواطن يوميًا خلال الفترة المقبلة».

واستطرد: «محطات المترو الجديدة دي مش في برلين ولا فرنسا، دي في مصر في بولاق الدكرور وجامعة القاهرة، ولكن مستوى النظافة والتكنولوجيا زيها زي الموجودة في برلين».

وأردف: «دي بلدنا كلنا مش بلد الرئيس لوحده، الناس كلها بتركب المترو وتقول إحنا ركبنا المترو ده بنظافة ألمانيا والدول الأوروبية الكبرى، البلد كانت خرابة من 2011 لـ2013، والرئيس السيسي قال أنا استلمت البلد كهن».

وأكمل أحمد موسى: «الـ5 محطات مترو دول تم افتتاحهم من أسبوعين بالتحديد، وده أحدث مشروع اتعمل في مصر خلال السنوات الماضية، والشعب المصري يستحق يكون عنده أفضل حاجة».

وأشاد الإعلامي أحمد موسى، بإنجازات الرئيس السيسي خلال السنوات الماضية، قائلا: «مش محتاج حد يدافع عنه، ويكفيه قرار 3 يونيو 2013، إنجازاته بتتكلم عنه حقيقي مش محتاج كلام، ولابد من الوقوف بجانب الوطن من أجل بقائه».



قد يعجبك أيضا

شارك بتعليقك