شهد الرئيس عبد الفتاح السيسي، فعاليات الندوة التثقيفية للقوات المسلحة الـ 36 "إرادة وطن"، بمناسبة ذكرى انتصارات أكتوبر.
وشارك الفنان أحمد فؤاد سليم في الفعاليات قائلًا: "الإرادة أسلوب حياة وطريق اترسم عبر الزمن وكملناه رغم الألم والمعاناة ومهما طال بينا الزمن القصة متعادة.. بلدنا رغم المحن صابرة وولادة والتاريخ على أرضها يشهد على معنى الإرادة".
وأضاف: "يشهد علينا الزمن إن كل حلم حققناه بإرادة متجمعين والهدف واحد ومتسلحين بتاريخ واحد.. تاريخ المصريين بإرادتهم اللي عبرت كل الموانع.. قالوا مش هتحموا حدودكم لكننا حاميناها.. قالوا مش هتبنوا مدن بنيناها.. قالوا مش هتخضروا الصحراء خضرناها.. قالوا مش هتحفروا قناة جديدة حفرناها وبالأنفاق عبرناها.. قالوا مش هتغيروا واقعكم غيرناه وبحياة كريمة بدأناه".
وتابع: "كل يوم على أرض مصر بتتبني حياة جديدة للأجيال اللي جاية وده خلى العالم كله يقفلنا باحترام وبالإرادة مصر هتفضل أد الدنيا وأم الدنيا".
وتحتفل الدولة المصرية بالذكرى الـ 49 لحرب أكتوبر، وهو يوم العزة والكرامة ويوم النصر ويوم البطولات والأمجاد التي صنعها رجال القوات المسلحة بدمائهم الذكية في ملحمة عسكرية أبهرت العالم.
وتعقد الفعاليات بحضور الوزراء والمسؤولين وعدد من قيادات وكبار رجال الدولة.