بدأت شوارع الإسكندرية تتزين لاستقبال شهر رمضان المبارك، حيث انتشرت الزينة الملونة والفوانيس المضيئة في مختلف الشوارع والميادين، في مشهد يعكس فرحة الأهالي بقرب حلول الشهر الكريم.
وجاءت الاستعدادات بمشاركة جماعية واسعة، إذ شارك في التجهيز والتنفيذ جميع أهالي الشارع من كبار وصغار وشباب، في صورة تعكس روح التعاون والتكاتف بين الجميع، في تقليد سنوي يحرص عليه أبناء الإسكندرية ويعبر عن أجواء وروحانيات الشهر الفضيل.
وقال محمد طارق، أحد شباب منطقة الورديان والمشاركين في تعليق الزينة، لـ"الشروق"، "إننا بنستنى رمضان من السنة للسنة، وتعليق الزينة بالنسبة لنا عادة متوارثة من زمان، بنجمع تبرعات بسيطة من الأهالي من بداية شهر شعبان، وكل واحد بيشارك على قد ما يقدر علشان الشارع يطلع في أحسن صورة".
وأوضح طارق، أن الفوانيس والرسم على جدران المنازل من الخارج من أبرز ملامح الزينة الرمضانية، مشيرًا إلى أن الشوارع تتسابق فيما بينها ليكون كل شارع الأجمل خلال شهر رمضان.
وقال طه حسن، "إن الزينة مش بس شكل جمالي، دي رسالة فرحة، خصوصًا للأطفال اللي بيفرحوا جدًا لما يشوفوا الشارع متزين ومنور بالليل، وده بيخليهم يحسوا بقيمة الشهر الكريم".
وأضاف حسن، "أن الأسبوع الأخير من شهر شعبان يشهد حالة من النشاط المتواصل بين الأهالي، بنسهر للصبح في الشارع علشان نقدر نخلص تعليق الزينة، وكل واحد بيعمل اللي يقدر عليه علشان نلحق قبل أول يوم رمضان"، مشيرًا إلى أن تلك الأجواء تعزز روح المشاركة والمحبة بين الجميع.
وقال علي عصام، أحد المشاركين في أعمال التجهيز، إن الجميع يشارك في التحضيرات، كبارًا وصغارًا، مسلمين ومسيحيين، وبنحرص كل سنة نطوّر شكل الزينة ونضيف أفكار جديدة، الكل بيشتغل بإيد واحدة علشان نحافظ على المظهر الحضاري وننشر البهجة، لدرجة إن بعض الشوارع بتتحول لمزار ييجي الناس يتصوروا فيه.