روت المطربة شيرين عبد الوهاب، كواليس علاقاتها بطليقها المطرب حسام حبيب خلال فترة الزواج، متهمة إياه بأنه كرَّهها في بناتها.
وقالت خلال مداخلة هاتفية مع برنامج "كلمة أخيرة" الذي تُقدمه الإعلامية لميس الحديدي، عبر شاشة "on"، مساء الثلاثاء: "فيه ناس قالت حسام كتفني وقص شعري.. وقلت إنا لسه بحبه علشان أرحمه من اللي كان هيشوفه من الناس".
وأضافت: "هو اللي حلقلي شعري .. الإنسان اللي قدامك لما يوصلك لكده يبقى هو اللي عمل كده.. حلاقة شعري كانت فضيحة عامة.. كنت زعلانة منه وقاعدة في فندق علشان أبعد عنه .. جالي يصالحني لكن الحالة النفسية جاتلي وطلبت من يمشي قالي هتنزلي معايا دلوقتي للمأذون".
وتابعت: "قولتله أنا شيرين عبد الوهاب وأنزل مجرورة علشان أطلق .. طاب ما تروح يا عين أم--- تجيب المأذون وتيجي وإلا تقولي إنت طالق وتمشي.. فضل يستفزني لغاية ما حلقت شعري بالماكينة".
وأكملت: "بعد كده رجع وشوفت أيام سوداء تاني وفتحنا (بعد الطلاق ومحاولة الرجوع) شركة مساهمة مصرية وهو رئيس مجلس إدارتها .. كنا بنحاول نرجع لو الدنيا ظبطت".