قال أحمد حسن كوكا لاعب نادي ألانيا سبور التركى، إن بداية المسيرة الاحترافية دائما ما تكن صعبة على أي أحد.
جاء ذلك خلال فعاليات فعاليات افتتاح معرض سبورتس إكسبو في مركز معارض المنارة، برعاية الرئيس عبد الفتاح السيسي، وحضور الدكتور مصطفى مدبولي، اليوم الأربعاء.
وقال كوكا: "الصعوبات تكمن في الغربة والأكل المختلفة واللغة.. والدي الله يرحمه كان أكبر سند ليا طول حياتي.. في بداية مسيرتي الاحترافية.. شقتي اتحرقت.. كلمت والدي علشان أرجع مصر.. والدي سافر لي وجاب لي معاه لبس وقالي مفيش حاجة بتيجي بالساهل.. الموقف ده يقويك ويخليك أنشف وأنضج للمسقبل".
وأضاف: "والدي قالي عاوز أطلب من طلب.. عاوزك تشرفني قدام بلدي وأهلي مترجعش مصر غير وإنت مشرفها.. النهاردة أنا ثاني هداف مصري في أوروبا بعد محمد صلاح.. وحققت 4 بطولات في أوروبا.. من غير ربنا ووالدي عمري ما كنت هقف قدام أكتر الشخصيات المهمة في بلدنا ولا كنت هتكرم".