«مش عايزين نقف لحسام على الواحدة».. تعليق شوبير على قائمة منتخب مصر - بوابة الشروق
الخميس 20 يونيو 2024 12:02 م القاهرة القاهرة 24°

الأكثر قراءة

قد يعجبك أيضا

شارك برأيك

هل تؤيد دعوات مقاطعة بعض المطاعم التي ثبت دعمها لجنود الاحتلال؟

«مش عايزين نقف لحسام على الواحدة».. تعليق شوبير على قائمة منتخب مصر

زيـاد الميرغني
نشر في: الخميس 23 مايو 2024 - 3:03 م | آخر تحديث: الخميس 23 مايو 2024 - 3:03 م

علق الإعلامي أحمد شوبير، حارس مرمى منتخب مصر والنادي الأهلي السابق، على قائمة منتخب مصر «المسربة»، خلال الساعات الماضية، والتي ضمت ما يقرب من 60 لاعبًا.

وقال شوبير، في تصريحات إذاعية صباح اليوم الخميس: «امبارح اتسربت قائمة من 60 لاعبا أو 68 لاعبا مش عارف قد إيه يعني، من بينهم 9 حراس مرمى، أولا البعض اعترض بشدة على العدد ده كله، بس أنا مش عارف عموما هى القائمة دي صح ولا مش صح، سواء كانت صحيحة أو مش صحيحة إيه اللي يزعل الناس من كده؟ وإيه المشكلة في إن حسام حسن بيدي أمل لعدد كبير من اللاعبين؟».

وتابع أحمد شوبير: «البعض هيرد ويقول لي ما أنت يا كابتن حسام قولت إن الدوري المصري لا يوجد به لاعبون جيدون، يا جماعة مش عايزين نقف لحسام حسن على الواحدة، يا جماعة حسام له طبيعة في شغله في حياته خده على اللي هو فيه وسانده وساعده وأنا مبسوط إن من ساعة القعدة اللي عملها مع الصحفيين ماتكلمش تاني، لإنه كل ما يكلم هتحصل مشاكل حتى لو كانت النوايا خير لإن أنت مش بتفتش في نوايا الآخرين».

وأوضح شوبير: «حسام حسن من ساعة ما كان بيلعب وهو مهاجم منتخب مصر، وكان يجيب جونين وثلاثة في المباراة، ويطلع يسأل هو أنا لعبت حلو الكرة دي إتصرفت فيها كويس؟ هو عنده قلق دائما».

وأضاف شوبير: «بس يا حسام مع المنتخب لازم تتأكد كل الناس عايزك تنجح عشان أنت مدرب منتخب مصر، حتى اللي ضدك عايزينك تنجح، اتحاد الكرة وفر لك كل السبل للنجاح، خلاص توكل على الله وخلي عندك ثقة في نفسك وثقة في اللاعبين».



قد يعجبك أيضا

شارك بتعليقك