قال الدكتور مصطفى مدبولي رئيس مجلس الوزراء، إن سعر توريد أردب القمح في الموسم الماضي بدأ بـ810 جنيهات، لكنه وصل حاليا إلى 1500 جنيه في غضون عام واحد فقط.
وأضاف خلال مؤتمر صحفي عقده بمدينة العاشر من رمضان، اليوم السبت، أن الخطوات التي تتخذها الدولة في هذه الصدد تمثّل التزاما بدعم الفلاح المصري.
وتابع: «في نفس الوقت اللي بندعم فيه الفلاح.. هو نفسه الفلاح اللي بياخد الخبز المدعم.. يعني أنا بخليه يكسب بإيده وفي نفس الوقت إحنا كدولة مزودناش سعر رغيف الخبز.. معنى كده إن الدولة هي اللي بتتحمل».
وشدد على التزام الدولة بدعم القطاعات الإنتاجية ورفع قدر كبير من الأعباء في هذه المرحلة، معقبا: «مفيش حكومات بتتحمل هذه الأعباء بهذا الحجم في ظروف دولة زي مصر».
وخاطب مدبولي المواطنين بالقول: «أرجوكم نتابع كل اللي بيحصل في العالم كله ونشوف المظاهرات اللي بتخرج.. واعتراضات المواطنين في دول متقدمة وغنية إن حكوماتهم بترفض إنها تاخد إجراءات تستوعب الزيادات اللي بتحصل.. كله بيتحمله المواطن في الآخر».