علقت الفنانة نادية لطفي على إصابة الفنان زكي فطين بمرض السرطان، قائلة: «العمر بتاع ربنا الإيمان بيقول كده، أي محنة متساوية، الألم واحد والمرض تقريبًا متساوي، إحنا اللي بنصنفه أو الدكاترة اللي بيصنفوه».
وأضافت في مداخلة هاتفية لبرنامج «كل يوم»، المذاع عبر فضائية «OnE»، مساء السبت، «إنت مش آخر واحد، لما عملت عملية نزيف المخ قلت رايحة مش راجعة، بس رجعت زي القرد تاني».
وقالت بشأن قصة بيع الفنان زكي فطين لسيارته من أجل الحصول على دخل، مازحة: «وبعت بالمناسبة عربيتي متزعلش أوي يا زكي، وجبت عربية تانية، والنهاردة بقيت أركب مع صحابي، هتلاقيك بتركب مع أصحابك بدل ما تقعد تسوق وتلف مع سواق والبنزين غالي».
وكان الفنان زكى فطين عبد الوهاب، أعلن إصابته بمرض سرطان الرئة خلال حسابه الشخصي على موقع التواصل الاجتماعي «فيس بوك»، بعد أن نشر صورة له وعلق عليها قائلًا: «أصدقائي الأعزاء دي صورتي، دي مش نيولوك ولا حاجة، أنا اكتشفت إني عندي سرطان بالرئة».