أعلن الرئيس عبدالفتاح السيسي، ترشحه في انتخابات الرئاسة المقبلة، مؤكدا أنه يلبي نداء المصريين.
جاء ذلك في كلمة ألقاها في الجلسة الختامية لمؤتمر حكاية وطن «بين الرؤية والإنجاز»، الذي عقد في العاصمة الإدارية الجديدة، بمشاركة وزراء وسياسيين وشباب وإعلاميين وممثلين عن جميع فئات المجتمع، اليوم الاثنين.
وقال الرئيس: «أنا عمري ما وعدت وعود ولا قلت كلمة مقدرش أعملها.. كل اللي أقدر أقوله لكم أنا هفضل أشتغل وأشتغل وأشتغل.. وربنا اللي يوفق».
وأضاف: «هيسعدني جدا إن نسبة المشاركة من كل المصريين اللي لهم حق الانتخاب إنهم يشاركوا حتى لو لم يختاروني».
وتابع: «أنا عاوزكم تظهروا للعالم إن هنا فيه دولة وهنا فيه ناس.. وهنا فيه إرادة الناس مش إرادة حاكم.. إرادة الناس هي اللي هتجيب الحاكم.. ولما العالم كله يشوف إن كل المصريين نزلوا أيا ما كانت النتيجة ده هيسعدنا كلنا لإنها هتشرفنا وهتشرف بلدنا».
واختتم مؤتمر «حكاية وطن» جلساته التي عقدت على مدار ثلاثة أيام، وشهدت استعراض إنجازات الدولة في مختلف القطاعات.