قال الدكتور طارق شوقي، وزير التربية والتعليم والتعليم الفني، إن هناك سببين دفعا نحو الاعتماد على أجهزة التابلت، الأول يتمثل في تسهيل الوصول للمحتوى الرقمي لجميع الطلاب على قدر المساوة.
وأضاف خلال مداخلة هاتفية لبرنامج «كل يوم»، المذاع عبر فضائية « on e»، مساء اليوم الأحد: «فيه ناس معندهمش إنترنت أو كمبيوتر، فالدولة قررت تدي لكل طالب جهاز عشان يشترك الناس في الأدوات من باب العدالة»، موضحًا أن السبب الثاني يتمثل في القضاء على الغش وتسريب الامتحانات بالكامل، بعد الاعتماد على الامتحانات الرقمية.
وتابع أنه سيتم وضع الامتحانات بشكل رقمي بالكامل، مستطردًا: «الكمبيوتر اللي هيعمل الامتحان، ومحدش هيبقى عارفه، وهيتبعت للمدرسة قبلها بدقيقتين، فمفيش مجال للتسريب».
وعقب: «سبنا التسريب المرة دي، عشان عاوزين نواجه نفسنا ونبص في المراية، وعشان نوضح الناس إننا أدمنا فكرة الغش، حتى لو من غير قيمة»، مؤكدًا أن تغيير أسلوب التقييم هو الذي من شأنه إصلاح نظام التعليم.