أقامت إذاعة "نجوم إف إم"، احتفالا بمناسبة تعافي الإعلامية نجوى إبراهيم من السرطان، بحضور هالة حجازي المدير التنفيذي والعضو المنتدب لشركة النيل للإنتاج الإذاعي، اليوم الخميس.
وقالت الإعلامية نجوى إبراهيم، في تصريحات لها، اليوم، ببرنامجها “بيت العز” على إذاعة نجوم إف إم: “أنا فرحانة جدا ومبسوطة جدا.. ومش عايزة حد يقول دي طلعت من أسبوعين ودلوقتي بقت كويسة، الموضوع منذ 4 أشهر لكن مرضتش أعلن عنه ربنا أراد الشفاء بسبب دعواتكم التي استقبلتها”.
وأضافت: “بعد 4 أو 5 شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهاردة لسه وجه جديد معاكم”.
وتابعت: “أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة لغاية دلوقتي، هبدأ النهاردة حياتي معاكم واعتبروني وجه جديد”.