أكد أحمد الميرغني لاعب الزمالك و دجلة السابق، انه لم يكن يتوقع الهجوم الكبير الذي لاقاه في الفترة الأخيرة، بعد تحدثه عن أراء معارضة للحكومة المصرية.
وقال الميرغني عبر صفحتة الشخصية على موقع التواصل الاجتماعي "فيسبوك" : " بمناسبة ان فترة القيد اتقفلت خلاص احب اقول اني بعد ما كتبت البوست مكنتش متوقع ان كل ده هيحصل بس بعد ما روحت الفندق بعدها و شوفت اللي حصل بداية من استبعادي من مباراه الاهلي توقعت انه هيحصلي اللي بيحصل دلوقتي و اني مش هلاقي نادي"
وأضاف " في ناس كتير كانت بتطمني وبتقولي متخفش ده مش هيحصل و فعلاً لما كان حد بيكلمني علي نادي كنت بفرح بس بعد كده كان بيتأكدلي اللي كنت بتوقعه برفض اداره اي نادي".
وتابع "بعدها ناس كتير حاولت تساعدني و انا كنت طلعت قولت اني ممكن اكون غلطت في لفظ فاشل و دي الحاجة اللي ممكن اعتذر عليها بس كله كان بيقولي اني لازم اعتذر علي كلامي كله بس انا مكنتش مقتنع بصراحة و انا دلوقتي راضي ومستحمل نتيجة كلامي و قراري
وأتم "احب اشكر كل واحد حب يساعدني او وقف معايا و حاول يدعمني حتي لو بكلام علي الفيسبوك او تويتر، وانا مش زعلان غير علي زعل امي عليا".
وجاء رد ابراهيم سعيد المدير الفني لنادي جولدي عبر صفحته على "تويتر" ارحب بتواجد احمد الميرغني معي اذا وافق حتي الناس تنسي الموقف وسيعود مجددا في اقرب وقت بمستواه وهساعده للعوده وبرحب بتواجده معي".