قالت الفنانة غادة عبد الرازق، إن والديها كانا معترضان على دخولها إلى مجال التمثيل، معقبة: «والدتي كانت معترضة، وأبويا لو كان عايش مكنتش هعرف أدخل المجال أصلًا».
وأضافت خلال لقائها مع برنامج «عايشة شو»، المذاع عبر فضائية «النهار»، مساء أمس الاثنين، أنها في وقت حدوث الأزمات والمشكلات في الوسط الفني تشعر بالندم على دخولها هذا المجال.
وتابعت: «أنا شخص واحد بيحارب مجال كبير براه وجواه، ولما بيحصلي مشاكل كتير، بقول يا ريتني ما كنت دخلت، وأول ما ألاقي حد بيقول لي أنت نجمتي المفضلة بنسى كل ده، لكن لما بتزيد المشاكل بقول إيه اللي دخلني ما كان زماني عايشة مرتاحة البال».
وأوضحت أنها لا تعيش في راحة خلال تواجدها في الوسط الفني، معقبة: «أنا مش عايشة مرتاحة لحد النهارده، لأني كل ما بنجح كل ما بتحارب أكتر».