نفى الفنان أحمد سعد، ما تردد حول رفع الفنانة سمية الخشاب قضية طلاق عليه، قائلًا: «مفيش الكلام ده، الكلام ده مش حقيقي خالص، إزاي بتقول رافعة قضية طلاق من 6 شهور، وإحنا قبل الطلاق كنا مع بعض في العراق».
وأضاف «سعد»، خلال لقائه مع برنامج «شيخ الحارة»، المذاع عبر فضائية «القاهرة والناس»، مساء اليوم الخميس: «كان فيه خلافات بينا، بس أنا مشكلتي إني بفضل متعذب ومتحمل في حياتي لحد ما آخد القرار بالانفصال، لكن لما باخد القرار ببقى مرتاح جدًا».
وتابع: «بس اللي قدامي مبيعرفش أنا مشيت ليه؟ لأن فيه حاجات كتير جدًا جدًا بتخليني في الآخر أمشي، وهي أكيد عارفة سبب الطلاق لأن كان فيه مشكلات كتيرًا جدًا بحاول أحلها، وأنا اللي اتخدعت فيها».