سأل الإعلامي عمرو أديب، شخصية أبلة فاهيتا الشهيرة، عن سبب ارتدائها اللون الأحمر خلال مقابلتهما، وعما إذا كانت تشجع الأهلي أم الزمالك.
جاء ذلك خلال برنامج «الحكاية» عبر شاشة «mbc مصر»، مساء الجمعة، حيث سألها أديب: «إيه سر ارتداء اللون الأحمر اليوم.. الأحمر يليق بك».
فردت أبلة فاهيتا قائلة: «عشان البرنامج بتاعك كله رمادي في أزرق.. حاجة مملة خالص حاجة تخلي المشاهد برضه عينه تفرفش شوية».
كما سألها عمرو أديب عما إذا كانت أهلاوية أم زملكاوية، فأجابت: «أنا مش بتكلم في السياسة.. فرد عليها: «دي مش سياسة إحنا بنتبادل أطراف الحديث».
وأشارت إلى أن معظم مشاهديها من الرجال وعقبت: «لو دخلت في الكرة هخسر في وسطهم.. خليك إنت في اللي إنت فيه وأنا خليني أنا للرجال كلهم».
ولفتت إلى أنها تحب منتخب مصر، وزادت: «كركورة عندي زملكاوية بس أنا مش بحب الكرة»، فرد أديب: «أيوه بقى.. أنا بحب كركورة جدًا».