الخميس 23 مايو 2019 8:11 ص القاهرة القاهرة 24°

الأكثر قراءة

قد يعجبك أيضا

شارك برأيك

ما مدى رضاك عن الدراما الرمضانية للموسم الجاري؟

فيديو.. تامر أمين: شريف مدكور قاصد يبقى «ناعم» على الشاشة.. والأخير: كلامك «سم»

محمد عبد الجليل
نشر فى : الأربعاء 15 مايو 2019 - 9:04 م | آخر تحديث : الأربعاء 15 مايو 2019 - 9:06 م

 

قال الإعلامي تامر أمين، إن هناك فرقًا بين شخصية المذيع التي تظهر على الشاشة، وشخصيته في الواقع، معقبًا أن هذا الفارق قد يكون كبيرًا إلى الحد الذي يصدم معه الناس.

وأضاف «أمين»، خلال تصريحاته لراديو «نجوم إف إم»: «إحنا مع كل الاحترام لنجوميتنا، في النهاية سلعة، بنعرضها على الناس، والسلعة دي محتاجة تسويق زي أي سلعة تانية، وعشان تعمل لها تسويق لازم يبقى ليها شخصية وملامح، وهو ده اللي بتحاول ترسمه لنفسك وتلتزم بيه طول ظهورك على الشاشة».

واستشهد «أمين» في هذا السياق، بظهور الإعلامي شريف مدكور على الشاشة، معقبًا: «إحنا هنا بنعمل تقييم لشريف مدكور، لأنه أبرز مثال، وهو على الشاشة شخصية شديدة الخصوصية، وليها ملامح محددة تناسب جدًا القالب البرامجي اللي بيطلع فيه».

وعقب: «شريف بيقدم برامج طبخ وقضايا مرأة، وهو بمنتهى الذكاء قعد يفكر ويشوف، برامج الطبخ محتاجة مذيع عامل إزاي؟ جد أوي وراجل أوي؟ لأ محتاجة مذيع ناعم، وعنده مساحة من الرقة والعذوبة التي تميل إلى الجنس اللطيف، عشان يحسوا إنه منهم، لدرجة إن البعض بيتهمه إنه "طري زيادة عن اللزوم" وهو قاصد إنه يبقى طري ويبقى ناعم».

وأوضح أن «مدكور» يقدم على أفعال لا يجرؤ أحد غيره على فعلها أمام الشاشة، مضيفًا: «بيطلع يجرب كريم إزالة الشعر على الشاشة.. والمفارقة إن اللي يعرف شريف على الطبيعة، لا علاقة له بهذه النعومة، راجل جدًا وبني آدم زينا عادي».

وفي المقابل، استنكر الإعلامي شريف مدكور تصريحات «أمين»، وعلق عليها قائلًا عبر صفحته على موقع التواصل الاجتماعي «فيسبوك»: «كلامك سم يا أستاذ تامر، وشخصيتي على الشاشة نفس شخصيتي في الحقيقة، وأنت عمرك ما شفتني ولا كان فيه بيني وبينك أي تعامل، تامر أمين "دكر" الشاشة».



قد يعجبك أيضا

شارك بتعليقك