وجه مصطفى يونس نجم فريق كرة القدم الأول بالنادي الأهلي السابق، رسائل لإدارة النادي، حول مستقبل اللاعب إمام عاشور.
وكانت صحيفة عكاظ السعودية أكدت أن نادي نيوم الصاعد حديثًا للدوري السعودي، أبدى اهتمامًا كبيرًا بضم لاعب الأهلي إمام عاشور، ووضع عرضا قيمته 5 ملايين دولار لضم نجم الأهلي.
وقال مصطفى يونس نجم الأهلي السابق، في تصريحات إعلامية عبر شاشة «إم بي سي مصر»: «من حق الأهلي ياخد أي لاعب زيه زي أي نادي، طالما في فرصة أجيب لاعب كويس يبقى لازم أجيبه أقوي بيه فرقتي، وساعتها هيكون أفضل من اللاعيبة الأفارقة اللي بياخدوا فلوس بالعملة الصعبة وبيخسروا النادي ومش بيستفيد منهم».
وتابع: «أبيع إمام عاشور بكام؟ في رأيي أبيع إمام عاشور بـ 10 مليون دولار مش 7 مليون دولار، ولو جه عرض بالرقم ده والأهلي ماوافقش يبقى غلطان».
وأكمل: «انت عندك خمس لاعيبة في الناحية الشمال مكان إمام، والخطأ ده اتكرر أكتر من مرة إن يجي عرض كبير ومغري والنادي (أي نادي) يرفض، ولازم النادي يستثمر ويكسب».