لجأ الفنان أحمد آدم خلال تقديم حلقه برنامجه الكوميدي «آدم شو» مساء الأربعاء، المذاع عبر شاشة قناة الحياة، إلى سلاح السخرية تعليقًا على أزمة ارتفاع أسعار اللحوم في مصر، وذلك في إطار من الكوميديا والدعابة الساخرة التي ينتهجها عادة في مناقشة القضايا والموضوعات التي تمس حياة الشارع المصري في حلقات برنامجه.
وفي محاكاة وصفية ساخرة، شبه ارتفاع أسعار اللحوم بالذهب، قال: «اللحمة مش هتتباع بالكيلو بعد كدا، هتتباع بالجرام، الواحد مننا يدخل عند الجزار حاطط إيده في جيبه ويقوله: لو سمحت الله يخليك 2 جرام لحمة وحطها في علبة قطيفة، وتكون عامل حسابك على 350 جنيهاً؛ تلاقي الجزار بيحاسبك على 400 تسأله الخمسين الزيادة ليه؟ يقولك المصنعية، أنت معاك قطعة لحمة عيار 24».
وتابع في سخرية: «أنا الحمد لله عندي سبيكة لحمة محتفظ بها في فريزر الثلاجة، أول ما هروح وأرجع البيت هأخذها في حضني وأغنيلها: وحشتيني وحشتيني».
وأكمل: «اللي رايح يتجوز ويطلب عروسة في هذه الأيام أبو العروسة هيطلب منه إيه! تلاقي أبوها قاعد معاه يقوله اللي في مقدرتك الدنيا غالية شوف أنت هتقدم إيه؛ يرد عليه العريس والله يا عمي أنا معايا شقة إيجار جديد، وبالنسبة للشبكة عامل حسابي على 2 كيلو انتركوت و2 كباب حلة وموزة؛ يقوله والله يا بني ما كنا نتمنى لبنتنا أكثر من كدا».
وأضاف أن مشكلة الشعب المصري مع اللحوم تعود إلى أكثر من قرن من الزمان، مشيرا إلى محاكتها في أغنية للفنان الراحل سيد درويش منذ عام 1923؛ تناول خلالها غش التجار وذبح الحمير واستبدالها باللحوم البتلو، حيث قال: «مدام الضاني غالي، وكذلك العجالي، أبدًا مش راح ندقق في حمار أو حصان أو بغل مش راح نعتق».