عقد الفنان بيومي فؤاد، مقارنة طريفة وساخرة بين تصريح سابق لمؤسس شركة الإليكترونيات الأمريكية «مايكروسوفت»، بيل جيتس، وعلاقته بموجات غلاء الأسعار التي يشهدها السوق المصري حاليًا.
وقال «فؤاد»، في برنامج «بيومي أفندي»، المذاع على فضائية «DMC»، مساء السبت، إن بيل جيتس، أجاب على سؤال إحدى المذيعات في لقاء تلفزيوني حول مقدار ثروته بمقولته: «هل أجيب قبل أم بعد سؤالك؟»، مضيفًا: «عايز يقول لها إن ثروته زادت في الكام ثانية بتوع السؤال، والحقيقة إن القصة دي كانت مبهرة لينا».
واستطرد: «النهاردة عطية البقال وسعد الجزار، وحسين الفكهاني وسيد القهوجي كلهم بقوا مبهرين زي بيل جيتس، لأنهم يقدروا يردوا نفس الرد»، مردفًا: «يعني مثلًا لو قولت للجزار (بكام اللحمة يا سعد)، هيقولك (قبل السؤال بـ100 وبعده بـ120)، ولو قولت للفكهاني (بقولك يا سحس الموز بكام؟)، هيقول (قبل السؤال بـ16 وبعده بـ21)».
وأكد «فؤاد»، أن وضع المواطن المصري يشبه وضع مؤسس شركة الإليكترونيات الأمريكية «مايكروسوفت»، بيل جيتس، بعد تقاضيه «المرتب»، متابعًا: «أنت كمان بقيت زي بيل جيتس، بعد ما تقبض المرتب بـ30 ثانية بيجيلك تليفون من المدام عشان تسألك (قبضت ولا لسه)، وإجابتك هي (قبل السؤال قبضت، بس بعده استلفت عشان نكمل الشهر)».