كشف مؤدي المهرجانات حسن شاكوش، عن رسالة تلقّتها زوجته «ريم» عقب زفافها، دعه لغلق حساباتها على مواقع التواصل الاجتماعي.
وقال خلال مقابلة مع برنامج «العرافة» الذي تُقدمه الإعلامية بسمة وهبة، عبر شاشة «المحور»، وعُرضت مساء الأحد: «ريم جالها رسالة بتقولها إنتي صعبانة عليَّ علشان حسن بيحب واحدة تانية وهيتجوزها وهو مفهِّم التانية إن الفرح ده كله فيلم».
واستنكر شاكوش هذه الرواية قائلا: «معقولة أنا هصرف المصاريف دي كلها ورايح واخد واحدة من أهلها وجايب أهلي وجايب كل النجوم دي علشان أعمل بروباجندا.. أنا عاوز أعمل كده هعملها في البيت من غير ما أصرف المصاريف دي كلها وأوفرها وأنا أولى بها».
ولفت إلى أن الرسالة التي تلقتها زوجته أضحكته، متابعا: «أنا قلتلها إنتي تصدقي بعد كل اللي عملته ده والمصاريف دي كلها وجايبك من أهلك واتخطبنا في شهر وبعدها بقيتي بيتي واتجوزنا.. هل كل ده فيلم.. لو فيلم هجيب أي واحدة من الشارع أو واحدة زميلة ليَّ وأقولها البسي فستان فرح ونقول حسن شاكوش اتجوز والسوشيال ميديا تتكلم».
ولفت إلى أنه طلب منها بعد تلقي هذه الرسالة، غلق حساباتها على مواقع التواصل الاجتماعي، ووافقت على ذلك بالفعل، قائلا: «هي مش بترفض أي حاجة أطلبها منها».
وأشار إلى أنه لم تكن هناك «نقطة» في الفرح، قائلا: «نقطة الفرح إن صحابي النجوم دول يجيوا فرحي.. هي دي نقطتي».