وجّه الإعلامي عمرو أديب التهنئة للنادي الأهلي عقب فوزه على الزمالك، مؤكدًا أن المارد الأحمر في طريقه للتتويج بلقب الدوري هذا الموسم، وموجهًا في الوقت ذاته انتقادات حادة للاعبي القلعة البيضاء، معتبرًا أنهم ينطبق عليهم الوصف الشهير للفنان عادل إمام: «متعودة دايمًا».
وقال أديب عبر قناة «إم بي سي مصر»: "أزف لكم نبأ فوز النادي الأهلي بالدوري.. دلوقتي بدري كده؟ نعم".
وأضاف: "الزمالك هيعمل إيه؟ من وقت مباراة الجونة كان لازم نسأل الزمالك هيعمل إيه؟ في مشكلة كبيرة.. إيه الجمهور ده اللي عنده هذا الصبر؟ هذا هو السر الذي يعلمه الخمسين أو ستين مليون مشجع أهلاوي".
وتابع: "أنا بقول للنادي الأهلي ألف مبروك، وبقول للزمالك: لو هتقول لي أقف جنبك.. لا، مش هقف جنب المتخاذلين ولا المتراجعين، ولا وراء فريق ليست لديه ثقة في نفسه. قلتلك الماضي ماكانش بتاعك، لكن الحاضر جميل وأمامك مستقبل تقدر تعمل فيه حاجة، لكن في النهاية بتحصل حاجات زي ما عادل إمام كان بيقول: متعودة دايمًا".
وأتم: "يا أخي اكسر التوقع مرة واحدة، دايمًا متعود على الخسارة. الاستثناء النهارده إن الزمالك يكسب والأهلي يخسر.. لكن حصل المعتاد".