افتتاح المنصورة الجديدة.. السيسي: تبقى مصيبة لو تصورت إن أنا في جنب وأنت في الناحية التانية - بوابة الشروق
الإثنين 6 فبراير 2023 1:38 ص القاهرة القاهرة 24°

الأكثر قراءة

قد يعجبك أيضا

شارك برأيك

هل ستزور معرض الكتاب هذا العام؟

افتتاح المنصورة الجديدة.. السيسي: تبقى مصيبة لو تصورت إن أنا في جنب وأنت في الناحية التانية

هديل هلال
نشر في: الخميس 1 ديسمبر 2022 - 12:16 م | آخر تحديث: الخميس 1 ديسمبر 2022 - 12:16 م

شدد الرئيس عبدالفتاح السيسي، على أهمية تكاتف مؤسسات الدولة بالكامل، لتحقيق تنمية عمرانية حقيقية.

وأضاف في كلمة، ضمن فعاليات افتتاح المرحلة الأولى من مدينة المنصورة الجديدة، اليوم الخميس: «لو مؤسسات الدولة بالكامل معانا.. مش معايا أنا أو الدكتور مصطفى أو الوزارة، إحنا مش نصين، إحنا مش في جنب، إحنا واحد».

وتابع: «تبقى مصيبة لو تصورت إني أنا في جنب، وأنت الناحية التانية هنا، دي بلدنا كلنا، لينا فيها زي بعض وعلينا فيها زي بعض».

واستطرد: «امشوا على الدائري وشوفوا العمارات المعمولة، مش معقول حد عايش فيها، عندنا مباني أكبر من الطلب في السوق، وكلمة قيمة زائفة بمثابة تعبير حقيقي إحساس بالغنى الزائف».

وأكمل: « الشخص اللي باني عمارة 10 أدوار وثمنها 3 ملايين جنيه، لو شغل القيراطين بتوعه وحافظ عليهم، يحقق عوائد حقيقية أكثر من اللي مستنيه وإنه يعيش مع وهم».

ويفتتح الرئيس عبدالفتاح السيسي، صباح اليوم الخميس، مدينة المنصورة الجديدة وجامعة المنصورة الجديدة، ويتفقد قرية الحصص بمركز شربين إحدى قرى مبادرة «حياة كريمة».

وصرح السفير بسام راضي، المتحدث الرسمي باسم رئاسة الجمهورية، بأن مدينة المنصورة الجديدة، التي تتوسط محافظات الدقهلية وكفر الشيخ ودمياط، تأتي في إطار مجموعة المدن الذكية الجديدة التي شرعت الدولة في تشييدها على امتداد رقعة الجمهورية.

وتعتبر المدينة أحد شرايين التنمية في ساحل مصر الشمالي، حيث تحتوي على جميع المرافق والخدمات من مناطق حكومية وأسواق، ودور عبادة، ومناطق ثقافية وترفيهية، ومناطق خاصة بالمطاعم، وحدائق مركزية بإطلالة ساحلية على البحر المتوسط بطول 15 كيلو مترًا.



قد يعجبك أيضا

شارك بتعليقك