طرح الإعلامي عمرو أديب، مبادرة جديدة تحت مسمى «الشعب يأمر»، طالب فيها الحكومة والتجار، بتخفيض أسعار السلع الغذائية بنسبة 20% لمدة 3 شهور في العام، قائلًا: «3 شهور في السنة بس، نعمل فيهم مبادرة عشان الناس تتنفس».
وأضاف «أديب»، في برنامج «كل يوم»، المذاع على فضائية «On E»، مساء الاثنين: «هيحصل إيه لما الشعب يؤمر نقوله حاضر، هو ليه محدش حاسس بالناس، وبالمصيبة اللي احنا فيها»، لافتًا إلى ضرورة تكاتف الحكومة، والتجار، والقطاع الخاص، وسلالسل المحال التجارية، والمنافذ التابعة للقوات المسلحة لإنجاح المبادرة.
وتابع حديثه قائلًا: «أنا عايز التجار يحسوا بينا شوية، أنا عارف إن في تجار محترمين مش عايزين يولعوا في البلد، المجتمع كله بيعاني من الأسعار، سواء الفقراء والأغنياء، دلوقتي في دكاترة ومحامين ومهندسين مش لاقيين ياكلوا».
وطالب «أديب»، رواد موقع التواصل الاجتماعي بضرورة التجاوب مع حملة «الشعب يأمر»، وإطلاق هاشتاج باسمها، وتكوين صفحات ورسوم خاصة بالحملة؛ لدعمها وتوسيع نطاقها.