كشفت الفنانة يسرا اللوزي، أن الزواج ليس أمرًا سهلًا مثلما يعتقد معظم الناس، مشيرة إلى أنها لو كانت مكان داليا – الشخصية التي تلعب دورها في مسلسل «كان ياما كان كانت» - ستطلب الطلاق أيضًا.
وقالت خلال لقاء لبرنامج «كلمة أخيرة»، الذي يقدمه الإعلامي أحمد سالم عبر قناة «ON»، مساء السبت: «أنا وداليا متشابهين في إننا في نفس المرحلة العمرية، لكن هي شكلها تعيس وتعبان، لأنها مش مبسوطة بقالها سنين، وأنا بحكم خبرتي في الحياة عارفة أنه قد إيه الجواز ممكن يكون صعب».
وأضافت: «الجواز مش زي ما الناس كلها فاكرة أننا هنهرب من بيت أهلنا علشان نروح نتجوز وننبسط وخلاص.. فيه مسئوليات ومشاكل ولازم نحط نفسنا مكان شريكنا ونراعي بعض في العيشة»، بحسب وصفها.
وأشارت إلى أنها تتعاطف مع السيدات الراغبات في الطلاق، لكنهن غير قادرات على اتخاذ الخطوة بسبب ظروف المعيشة، قائلة إنها تتابع العديد من تلك الحالات على جروبات مواقع التواصل الاجتماعي.
ونوهت أن تدخل البعض يؤثر في مثل هذه القرارات، مضيفة: «هو طبعًا تدخل الناس بالورقة والقلم بيأثر.. من ناحية شخصية ماجد الكدواني في المسلسل بالورقة والقلم هو محترم وبيشتغل دكتور وعمره ما مد إيده عليها، لكن هل ده كافي إني أكون مبسوطة؟ ده ممكن يحصل لراجل كمان، ممكن مراته كويسة وبتربي الولاد كويس وشكلها حلو وبتحترمه وناجحة في شغلها ممكن ما يكونش مبسوط، ففي حاجة ناقصة، الناس من بره بتبص على اللستة دي».