مؤلفا شقة 6 يخليان مسؤوليتهما عن نهاية العمل: عبث ومش ده اللي اتكتب في الورق - بوابة الشروق
الأربعاء 27 أكتوبر 2021 7:03 م القاهرة القاهرة 24°

الأكثر قراءة

قد يعجبك أيضا

شارك برأيك

ما تقييمك لانطلاقة الأندية المصرية في بطولتي دوري أبطال إفريقيا والكونفدرالية؟


مؤلفا شقة 6 يخليان مسؤوليتهما عن نهاية العمل: عبث ومش ده اللي اتكتب في الورق


نشر في: السبت 18 سبتمبر 2021 - 10:04 ص | آخر تحديث: السبت 18 سبتمبر 2021 - 10:10 ص

• ملك قورة تدعم سعاد القاضي ومحمود وحيد.. وعمرو ياسين يطالبهما بعدم السكوت عن حقهما

أعلن كلا من السيناريست سعاد القاضي وزميلها محمود وحيد، تبرأهما من نهاية مسلسلهما "شقة 6"، الذي عرض مؤخرا على إحدى المنصات، ولعبت بطولته الفنانة روبي، ومعها عدد كبير من الفنانين، ويصنف بأنه ينتمي لأعمال الرعب.

وعبر حسابها على موقع التواصل الاجتماعي" فيسبوك"، كتبت سعاد القاضي منشورا طويلا، هاجمت فيه بضراوة كلا من مخرج العمل محمود كامل، وبطلته الفنانة روبي، قائلة:

"زملاء كتير نصحونا بالسكوت عن العبث والمهزلة اللي حاصلة عشان إحنا لسه جداد في السوق، والناس ممكن بعد كده ماتحبش تتعامل معانا، أو تخاف وتقول دول بتوع مشاكل، بس أنا عن نفسي وأنا مسؤولة عن كتابة البوست ده بشكل شخصي ومستقل، إن حقيقي لو هو ده طريقة الشغل في السوق، وهو ده العبث اللي داير، فأنا حقيقي مش عايزة أشتغل مع حد ممكن يقلق من حد مابيسبش حقه، لأنه ببساطة هيبقى عايز يدوس على الحق ده".

وتابعت: "دايما طموحنا إننا نقدم حاجه تليق بعقلية المشاهد، وتخاطب عقله ووجدانه، النهاية مؤسفة، مايكتبهاش طفل في تالتة ابتدائي، ومش ده اللي اتكتب في الورق بتاعنا، ولا ده اللي تم ترقيبه في الرقابة، ودي لوحدها جريمة".

وأضافت: "أنا بأخلي مسؤوليتي عن العبث ده، وعن النهاية العشوائية المشوهة، بأخلي مسؤوليتي عن عمل مُخجل بكل معنى الكلمة، وبمناسبة إني قررت التصريح، فلازم تشوفوا معايا شوية كواليس، زي إن صاحب مطعم يتكتب له دور، ويتفتح خط درامي مالوش علاقة بالقصة، عشان الأستاذ قائد العمل، يروح ياكل ويقعد ببلاش هو وأصحابه، اللي بالمناسبة كلهم اشتغلوا واتعملهم أدوار ملهاش علاقة بالدراما، اشي دكتور صاحبه، واشي بنت أخت مش عارفة مين، وحماة مين، واللي واخد بنتهم الكبيرة، كل دول طبعا لازم يشتغلوا، وإلا يزعلوا، فتعالوا نزعل المؤلفين دول شباب لسه بتبدأ، يعني الورق مالوش أصحاب".

واستطردت: "اشي مش عارف مين عايز يطلع مصلحة، يقول لاء الورق عايز يتظبط شوية، والمؤلفين مش راضيين، فأنا هجيب حد يعمل اللي رافضينه، وتيجي تاخد فلوس وتشلع في الورق وتقسم مع الأستاذ، اشي الأستاذة مش مرتاحة مع الزميلة في الشغل، فمن فضلكم موتوها بقى، أو خلوا دورها ينتهى لحد كده، فنرفض، فطب تمام مايجوش اللوكيشن تاني، وإحنا نصور اللي إحنا عايزينه".

وأكملت: "أنا حقيقي مضغوطة نفسياً من فترة كبيرة، وكان أملي النهاية تفضل زي ما هي، لكن قدر الله وما شاء فعل، وحقيقي لو كنت أتشرف بحاجة في العمل ده، فأنا تشرفت بالناس النجوم المحترمين، ولاد الأصول، الناس اللي حاولت قدر الإمكان بخبرتها وبفنها وأدائها العظيم تنقذ ما يمكن إنقاذه، الأستاذ عمنا كلنا صلاح عبدالله، أستاذة سما إبراهيم، أستاذ حمزة العيلي، أستاذ تامر نبيل، لهم مني جزيل الشكر والتقدير".

واختتمت حديثها قائلة: "وأخيرا، أنا باعتذر لحضراتكم ولكل متفرج تابع بشغف، ولولا المسائلة القانونية، ما كنت تراجعت عن نشر الورق الأصلي، مش عارفة ممكن أوعدكم بعمل تاني ولا لاء، بس أنا فعلاً مش عارفة إذا كنت ممكن أكمل في وسط كل العبث ده".

وكتب زميلها محمود وحيد على حسابه أيضا: "حسبى الله ونعم الوكيل، مش النهاية اللى كاتبينها"، وتابع: "يا جماعة مش دى نهاية المسلسل اللى مكتوبة، أو تغيرت وتم العبث فى ورقنا من المخرج، ودمر الدراما والنهاية وشكرا".

واستطرد: "لن أكتب جزءا جديدا من (شقة 6)، بعد تلك النهاية المؤسفة، التى أخلى مسؤوليتى عنها تماماً، وشكرا".

وبادرت الفنانة ملك قورة، إحدى أبطال العمل، بإعلان دعمها لكلا من سعاد القاضي ومحمود وحيد، وكتبت عبر حسابها رسالة لهما، قائلة: "مؤلف مسلسل (شقة 6)، مش لازم أي مؤلف يسكت على غدر أي شخص اؤتمن على نص ولم يحفظ الأمانة".

وأعلن الفنان والسيناريست عمرو محمود ياسين، عن دعمه لأصحاب "شقة 6"، وكتب عبر حسابه: "شيء مؤسف ومحزن أن يسطو أحدهم على فكر وقناعات مؤلف، ويغير ويعدل دون الرجوع لأصحاب الحق الأدبي".

وتابع: "عيب والله، ومش لازم أي مؤلف يصمت على غدر أي شخص أؤتمن على نص ولم يحفظ الأمانة، ماتسكتوش وماتزعلوش، هو موقف سيء، بس أكيد استفدتوا منه كتير، ومش هتسمحوا بتكراره".

تدور أحداث مسلسل (شقة 6)، حول شقة تحمل رقم 6 في إحدى العمارات التي تعيش فيها فتاة "روبى" مع جيرانها، ويحدث أجواء مرعبة داخل هذه الشقة، يتفاجأ بها سكان العمارة ومن هنا يعيش الجيران أحداث الرعب والخوف.

مسلسل شقة 6 من بطولة روبى وأحمد حاتم وصلاح عبدالله وملك قورة ومحمود البزاوى وحمزة العيلى، ومن إخراج محمود كامل.

 



قد يعجبك أيضا

شارك بتعليقك