قال الرئيس عبدالفتاح السيسي، إن مصر تمر بظروف صعبة مثل كل دول العالم، على مدار الـ3 سنوات الماضية؛ بسبب جائحة كورونا وحرب روسيا وأوكرانيا.
وأضاف خلال تفقده الكلية الحربية، اليوم الخميس: «أسعار السلع مبقتش زي الأول، زادت وأنتم عارفين ده كويس، وبنحاول يكون في شبكة من المنافذ وسيارات توزيع المنتجات أقرب ما يمكن بالمناطق السكنية، لتوفير أسعار غير ضاغطة».
وأكد أن الدولة لم تعكس التكلفة الحقيقية للسلع على المواطن، معقبًا: «ملاحظ إن في خوف عند الناس، لكن أنا مش موافق عليه خالص، هو أنتم أول مرة تشوفوا مشكلة ولا إيه؟ أول مرة يا مصريين تقابلوا أزمة؟».
واستطرد: «ما إحنا ديما في السنين اللي فاتت بشوف أزمات ومصر صمدت وعاشت وهتصمد وهتعيش.. هي صمدت بالحكومة؟ لا صمدت بالناس والشعب».
وأكمل: «مفيش مجال أبدا والله للخوف والقلق خالص، إحنا بخير وسلام الحمد لله، وكل الأمور موجودة بفضل الله، والأمور هتكون أحسن من كده إن شاء الله.. عندكم شك».
وتابع: «والله العظيم مطمئن جدا بالله مش بينا، إن كانت الظروف صعبة مفيش مشكلة مش هتعدي، ياما قابلتنا مشاكل، افتكروا لما كان بيتقال إن الأشرار فجروا جامع ولا كنيسة ولا هجموا على كمين، طب ده تجاوزناه وعبرناه وخلص؟ آه أومال إيه».
وتفقد الرئيس عبدالفتاح السيسي، فجر اليوم، الكلية الحربية، حيث رافقه الفريق أول محمد زكى، القائد العام للقوات المسلحة وزير الدفاع والإنتاج الحربى، والفريق أسامة عسكر رئيس أركان القوات المسلحة وعدد من كبار قادة القوات المسلحة.
وصرح المتحدث باسم رئاسة الجمهورية، بأن الرئيس شارك طلبة الكلية خلال تنفيذهم عددا من الأنشطة والتدريبات التي يتم تدريب الطلبة المستجدين بالأكاديمية والكليات العسكرية عليها بشكل يومي بمقر الكلية الحربية.