احتفل المخرج محمد سامي بنجاح زوجته مي عمر، بعد انقضاء عرض مسلسل «لؤلؤ»، أول بطولة مطلقة لها، وحقق نجاحًا كبيرًا، وتفاعل ضخم من الجمهور.كما حقق ملايين المشاهدات، وذلك بنشر صورة لهما أثناء رحلتهما لأحد البلدان، منذ 11 عامًا، معبرًا عن تقديره لها ولمجهودها معلقا: «بنحتفل بنجاحها اللي تعبت فيه واشتغلت عشانه كتير، ووفقت بصعوبة بين بيتها اللي مخلياه جنة ليا أنا وبناتي، وبين أهلها وحياتها وشغلها».
ونشر محمد سامي عبر حسابه الرسمي على موقع «إنستجرام»، صورته مع مي عمر من 11 سنة، معلقا: «دي صورة ليا أنا ومي من 11 سنة، كنا بنفكر فأحلامنا ومستقبلنا وبنتمنى حاجات كتير ربنا أدانا أكتر منها كمان، عشان حاجة مهمة بعد كرمه وعطاءه، عشان بجد بنحب بعض وبنساعد بعض طول الوقت في تحقيق أحلامنا، بيتهيألي إني صعب كنت أنجح في شغلي من غير دعم ومساندة مي ليا طول الوقت، الدعم ده حاجات كتير قوي محتاجه مليون بوست عشان تتكتب كلها».
وتابع محمد سامي: «والنهاردة أنا وهي بنحتفل بنجاحها اللي تعبت فيه، واشتغلت عشانه كتير، ووفقت بصعوبة بين بيتها اللي مخلياه جنة ليا أنا وبناتي، وبين أهلها وحياتها وشغلها، وفي الأخر نجحت نجاح كبير يفرح بيها كل محب، ويثير غيرة وحقد الكارهين، مبروك حبيبتي وبنتي ومراتي الغالية، ودائما ناجحة ومتفوقة، وتحية لكل ست ناجحة، وعارفه توصل لنجاحها رغم واجبتها تجاه أسرتها».
https://www.instagram.com/p/CLjiWM0lahb/?utm_source=ig_web_copy_link