رفض الإعلامي عمرو أديب، مجرد طرح مشاركة جماعة الإخوان في الحوار الوطني الذي سينطلق في الأسبوع الأول من شهر يوليو المقبل.
وقال أديب، خلال برنامجه "الحكاية" عبر شاشة "mbc مصر"، مساء الأحد: "إحنا عملنا ثورة (30 يونيو) ليه.. علشان نرجعهم تاني؟.. الإخواني بيتمسكن لغاية ما يتمكن".
وأشار إلى أن جماعة الإخوان قد تبدي موافقة على أي شيء وتقدم تعهدات لكنها سرعان ما تتنصل منها، متابعًا: "الإخواني مستعد يقول السيسي رئيسي مقابل إنه يرجع تاني".
وأكمل: "إحنا مش محتاجين كده.. لازم نعرف العدو بتاعنا.. العدو بينخور في المفاصل بتاعتنا ولازم نحذر كده".
وتابع: "أنا شفت (ألاعيب الإخوان) للعودة 3 مرات على مدار السنوات الماضية.. مش هينضحك عليا للمرة الرابعة.. مجرد طرح هذا الأمر بهذا الشكل لا يمكن.. هل ألمانيا لو عاملة حوار وطني هيجيبوا النازيين".
وختم: "(جماعة الإخوان) كانت بتضربنا بالنار.. لو حد من الإخوان شاف حد مننا في الشارع هيعمل فينا إيه؟.. هل ده تنظيم وطني حر.. يجب عزل هؤلاء من الحياة السياسية".