أعربت الفنانة ياسمين صبري عن استيائها الشديد، بسبب الشائعات التي تتعرض لها بشكل مستمر، قائلة: «من ساعة ما اتشهرت عرفت ان كلها باكدج، انسان مشهور يبقى الكل مهتم بأمورك، وهتفضل مادة للاشاعات باستمرار».
وأضافت ياسمين صبري خلال حلقتها في برنامج «صاحبة السعادة»، مع الإعلامية إسعاد يونس على شاشة DMC، قائلة: «أنا من زمان متقبلة فكرة اني اتعرض للإشاعات وواخدة عليها، وبتعامل مع الشائعات باني مظهرش اي رد فعل».
وأكدت ياسمين صبري أن الرد على الشائعات يزيد من الأزمة بشكل كبير، قائلة: «كل حد هيقول كلمة الموضوع هيستمر وياخد أكثر من حجمه الطبيعي».
وتابعت ياسمين صبري، قائلة: «في ناس بتحب تشغل الناس دايما بتصرفاتها عشان تفضل موجودة على الساحة، وانا شخصيا مبعملش كده وعندي اكتفاء ذاتي، معرفش اشغل الناس علي بشكل مستمر، وانا شخصيتي وتصرفاتي مفهاش أي اجبار، واللي بيحرق في نفسه عشان يظهر على الساحة باستمرار شايفة انه بيحرق في نفسه للاسف».