توجه الرئيس عبد الفتاح السيسي، بالتهنئة إلى المصريين بمناسبة حلول شهر رمضان المبارك، متابعًا: «كل عام وأنتم طيبين».
وأضاف خلال كلمته التي ألقاها أثناء افتتاح عدد من المشروعات بمنطقة القناة، اليوم الأحد: «لازم أشكر كل القائمين على العمل في هذه المشروعات، وخاصة الشركات المدنية».
وتابع: «الصورة اللي بتتصدر إن اللي بيقوم بالمشروعات دي هي القوات المسلحة، وكل الشركات العاملة هي شركات مدنية مصر زي أوراسكوم والمقاولون، عمال ومهندسون مصريون».
وعقب: «أنا عايز أقول إن كل اللي شغال هنا، وكل المشروعات هي شركات مصرية 100% عشان مهم تعرفوا إن دور الجيش هو دور إشرافي ودور إدارة والتزام إن العمل ده يخلص في 20 شهر، ولو فيه مشكلة يتم حلها بسرعة».
وأردف: «معقول حد يتصور إننا عندنا عمالة تكفي 5 ملايين إنسان؟ ده كلام مش موضوعي ومنطقي، والجيش ليه مهام كتيرة جدًا على الحدود، والنقطة دي مهمة وأرجو إننا نتكلم فيها ونأكدها».
ويفتتح الرئيس عبد الفتاح السيسي، اليوم الأحد، عددًا من المشروعات التنموية التي تربط سيناء بدلتا النيل، وعلى رأسها أنفاق مدينتي الإسماعيلية وبورسعيد التي تربط شرق قناة السويس بغربها، بالإضافة إلى عدد من الكباري العائمة بهدف تسهيل حركة عبور المواطنين والبضائع من وإلى سيناء.