نشرت الفنانة نشوى مصطفى صور لشباب مصريين يعلمون على عربة بطاطا وأيدت عملهم الشريف بتدوينة قالت فيها: "قلبي فرحان بيهم، ملامحهم تدل انهم متخرجين من جامعات مهمة علشان كده دماغهم مهمة، ماقعدوش يولولو ويقولوا فين الحكومة تعيننا واستخدموا لفظ البطالة شماعة يعلقوا عليها احباطهم، ببساطة فكروا واشتغلوا، رجالة بحق وحقيقي".
شاهدي أيضاً: صورة نشوى مصطفى وابنتها.. ونشطاء "نشوى أصغر" ما رأيكم؟
ولكن موقف نشوى مصطفى سبب لها هجوم صاعق من قبل نشطاء على مواقع التواصل الإجتماعي حيث اتهمها الكثيرين أنها "تنظر على الشباب وهي جالسة في النعيم ولا تعلم ما يواجه الناس الغلابة"!
شاهدي أيضاً: صور مشاهير ظلمهم الجمهور بسبب ملامحهم القاسية وأدوارهم على الشاشة.. تعرفوا على شخصياتهم الحقيقية
نشوى مصطفى ردت على كل هذه الاتهامات بتدوينة كشفت فيها جانب لم يعرفه الجمهور عنها ولخصت رحلة كفاحها بالقول:" طيب بمناسبة اني شيرت صورة لشباب زى الورد بيبيعوا بطاطا -- وقلت عفارم عليهم انهم مااستسلموش للاحباط وللبطالة ولا قعدوا يولولو ويشتموا في البلد --- ونتيجة للردود اللي بعضها سخيف وبيقولو لي انتي فنانة بتاخدي فلوس اد كده ومش حاسة بالشباب المحبط وعايزانا بعد مانتخرج من كلياتنا المحترمة نبيع بطاطا -- ونتيجة الرسايل الشتيمة الانبوكس - عايزة اقول لهم اولاً -- ابويا الله يرحمه كان من الطبقة الكادحة الطبقة تحت المتوسطة بشوية كتير --- ابويا ربانى انى اكون راجل -- بمعنى انى لما اتخرجت ومالقتش شغل عملت وجبات جاهزة فى البيت وبعتها فى العتبة للبياعين اللي بيشتغلوا فى محلات الملابس -- ليه العتبة بالذات -- لانى فى اجازات الصيف بتاعت الجامعة كنت بشتغل بياعة فى المحلات دى علشان يكون معايا فلوس زيادة عن المصروف اللي باخده من اهلى --- وليه عملت وجبات جاهزة وبعتها ؟؟؟-- لانى كنت عايزة ادرس تمثيل -- دخلت المعهد وابتديت تمثيل بعشر مشاهد فى ضمير ابله حكمت وكان اجرى فى المسلسل كله ٢٥٠ جنيه --- كنت ساكنة فى شبرا بيتنا اوضتين --- دلوقتى بفضل ربنا وبمجهودى انا ساكنة فى فيلا دورين بحمام سباحة فى ارقى مكان فى التجمع الخامس -- اتعلمت فى مدارس حكومة وكنت باخد الكتب ببلاش فى الجامعة لانى كنت مقدمة مفردات مرتب والدى انها بسيطة -- دلوقتتى بفضل ربنا وبمجهودى ولادى جامعة امريكية والمانية -- ماحدش ساعدنى غير ربنا مافيش منتج دعمنى وادانى بطولة وانا استاهلها بجدارة -- اثبت انى بمشهدبن تلاته ممكن اسيب تأثير واحقق نجومية باشوفها فى كلام معجبينى فى كل مكان جوه مصر وبراها -- انا بشتغل بمجهودى - اتحاربت وصمدت اتساومت ومااستسلمتش لانى مؤمنة بحلمى ومؤمنة بأن ربنا مع اللي بيتعب-- حارب علشان حلمك وماتشتمش بلدك ولا ظروفك ولاتشتم الممثلين".
شاهدي المزيد:
12 معلومة لا تعرفونها عن أشرف عبد الباقي معقد من كرة القدم وبسبب علاء ولي الدين ابتعد عن المسرح
باسم يوسف يكشف عن علاقاته النسائية قبل الزواج بهذا الرقم الضخم!
فيديو المطربة الشعبية بوسي تعترف بضربها لزوجها.. فكيف كانت تضربه؟