انسحب الفنان سعد الصغير، من برنامج «العرافة» الذي تقدمه الإعلامية بسمة وهبة عبر فضائية «النهار»، مساء الاثنين، وذلك بعد سؤال ضمن فقرة «سرك مش في بير».
وتعتمد الفقرة على منح سؤال مكتوب في ورقة إلى الضيف، وتخييره ما بين الإجابة عليه أو عدم الإجابة عليه، وعادة ما تشهد الفقرة انفعالًا من الضيوف لأن الأسئلة تمس حياتهم الشخصية.
وعلق «الصغير» على طريقة إلقاء الإعلامية لبطاقة السؤال، قائلًا: «والمصحف أنا بحبك، أنت مبتحبينيش ده موضوع تاني»، لترد عليه «وهبة»: «والله العظيم أنا بحبك، مين قال إني مش بحبك».
ورد عليها الفنان بالقول: «حد يحب حد يقول له أنت شيطان»، لتعقب الإعلامية: «ما أنت شيطان أنا بصارحك بحقيقتك، مش ملاحظ إني الحلقة دي طيبة معاك وسايباك تعمل اللي أنت عاوزه».
واستنكر «الصغير» وصفه بالشيطان، مضيفًا: «تقولي يا دكتورة على خلقة ربنا شيطان وأنتِ مذاكرة دين»، لتؤكد الإعلامية أن الشيطان من خلق الله.
وقال الفنان بعد قراءة السؤال: «أقسم بالله أنا عشان بحب حضرتك وأنت حد ذوق كان ممكن أعمل حاجة تاني، هو نفس سؤال السنة اللي فاتت وقلت لك أنت خرابة بيوت ومتشكرين ربنا يكرمك يا ست الكل».
وأضاف قبل انسحابه من الحلقة: «تصدقي وتآمني بإيه أنا مش عاوز منك فلوس، لو أنتِ تمام متقبضنيش فلوس وعليا الطلاق مش هقعد تاني عشان حضرتك قلتِ عليا إني شيطان وقلتِ نفس السؤال، أنا شيطان أومال أنتِ إيه بقا.. أنا غلطان إني جيت لك».