وجه الرئيس عبد الفتاح السيسي، رسالة إلى الشباب، قبل مغادرته لفعاليات جلسة «تقييم المشاركة السياسية الشبابية في البرلمان»، قائلا: «لازم تكونوا عارفين حاجة.. والله والله والله أتمنى أن يصبح كل الشباب في مصر أحسن ناس في الدنيا».
وأضاف «السيسي»، خلال كلمة أخيرة بفعاليات الجلسة، الثلاثاء، «أتمنى أن كل الشباب يكونوا قدامي واقعد اتفرج عليهم وأتباهى بيهم.. وربنا يعلم قد إيه الكلام دا أنا بقوله بصدق شديد».
وتابع: «يارب أتباهى بيكم وتبقوا ماليين الدنيا.. وأنا مش عايزكم ورايا أنا عايزكم قدامي دايما».
وردا على مشكلة صرف صحي عرضها أحد الشباب المشاركين، أكد أن البلد مليئة بالمشكلات، قائلا: «أنا بقول ياترى إحنا عندنا وقت نضيعه غير في الشغل والصبر والكفاح، ولا نضيع وقتنا في الخلافات والفساد والبيروقراطية؟».
واستطرد قائلا: «إوعى تفتكر إن احنا مش عارفين المشكلات.. ولكن الموضوع محتاج أفكار كثيرة وجديدة والكثير من التجرد ونكران الذات، وألا يفتكر كل شخص أن المشكلة تخص قريته فقط».