قال الإعلامي عمرو أديب، إن تعديل قانون التظاهر لا يندرج ضمن صلاحيات الرئيس عبد الفتاح السيسي، مضيفًا: «الرئيس مالوش دعوة بقانون التظاهر، لكن في مصر الرئيس هو بابا وماما وكل حاجة.. وليه مجلس النواب ميغيرش قانون التظاهر؟».
وأضاف «أديب»، في برنامج «كل يوم»، المذاع على فضائية «On E»، مساء الثلاثاء: «الشباب بتاعنا متسيطر على دماغهم، ودماغهم مغسولة، هل حد منهم عمل هاشتاج على تويتر قال فيه علمنا ياريس، لكن كلهم بيقولوا السكر ياريس، الباذنجان يا ريس، ولا واحد عايز يتعلم احنا عايزين نغش».
وتابع حديثه قائلًا: «في 94 واحد بيشكلوا الرأي العام العام في مصر، ودي إحصائية معروفة، الـ94 واحد دول ممكن يقنعوك أن الشباب في مصر مش شباب».