ردت الفنانة شيرين على التسريب الصوتي الذي انتشر على مواقع التواصل الاجتماعي، نافية وجود توكيلات لها أو فيزا باسم زوجها.
وقالت في مقطع فيديو عبر صفحتها الرسمية بموقع التواصل الاجتماعي «تويتر»، مساء الاثنين: «مفيش توكيلات باسمه والفيزا بتاعتي مش معاه، أنا كلي بتاعته فتوكيل إيه اللي بيتكلموا عنه؟».
وتابعت: «أنا جوزي رجل متأصل وابن ناس وابن عائلة محترمة أوي ومقبلش حد يتكلم عنه كده أو يتكلم عن أمه، حسام راجل مفيش منه خلاص واللي زيه مش موجودين.. بقالنا 4 سنوات متزوجين ولو عاوز يستفيد مني كان عمل أغنية سنجل لنفسه، الناس لازم يبقى عندها عقل».
وأضافت: «الراجل ده صايني وصاين عيالي كل الناس بتختلف وتتخانق إيه يعني؟ لكن هو بيحبني أكثر من نفسه، أنا حاسة إنه بيحبني وحاسة معاه بالأمان، لم يضرني وطلع من حياتي كل الناس اللي بتستغلني والثعابين وكل الحاجات الفاسدة».
وجاء في التسجيل الصوتي الذي نشره أحد المواقع بأنه مُسرب، ونسبه لحسين حبيب، أن هناك خطة لزواج حسام من أخرى، سعيا لتحقيق حلمه بالإنجاب، وتصريحات أخرى متعلقة باختلاف البيئة الاجتماعية التي جاءت منها شيرين عن تلك التي ينتمي إليها حسام، وهو ما تسبب في وجود خلافات مع والدة حسام، حسب التسجيل الصوتي، الذي نفى صحته حسين حبيب.